نەخۆش دێ چ کەت کو بێ ھیڤی نەبیت ژ ژیانێ؟
ئەڤرۆ:
کابووس خەونەکە ب بزاڤێن لەزێن چاڤی دھێتە نیاسکرن و دشیاندایە دگەلدا ھەستەکا دژوار بو مرۆڤی پەیداببیت کو مرۆڤی شیان نەبن ژبەر برەڤیت و ژنشکەکێڤە مرۆڤ ژخەو ھشیاردبیت و یێ ئارام نینە.
ئەڤ ئاریشە دپرانیا دەماندا ل دووماھیا نڤستنا مرۆڤی پەیدادبیت و مرۆڤ ھشیاردبیت و دبیت ژبیرا مرۆڤی بچیت کا چ روودایە یان ئەڤە چ خەون بوویە.
کابووس پتر ل دەڤ بچووکان بەلاڤەدبن و چەندی بچووک مەزن ببیت ئەڤ دیاردەژی ل دەڤ کێم دبیت و نێزیکی ٥٠% ژ مەزنان کابووسان د خەوێ دا دبینن و ژن پتر ژ زەلامان نەخوشیا خۆ ژێ دبینن،بەلێ پێدڤی ب وەرگرتنا چارەسەریێ نابن.
- ئەگەرێن دیتنا کابووسان:
- بێئارامی و بەرئاتافبوون ب فشارێن دەروونی ژ گرنگترین ئەگەرێن دیتنا کابووسانە.
- ئەگەر کەسەکێ نێزیکی مرۆڤی گیانێ خو ژدەست بدەت.
- دبیت ژی ژ ئەگەرێ ب کارئینانا ھندەک جورێن دەرمانان بیت.
- یان ئەگەر مرۆڤ گەلەک دەرمانێن خەوێ بخوت و ژ نشکەکێڤە بھێلیت.
- زێدە ڤەخوارنا مەی و ھێلانا وێ.
- تەنگەزاریێن ھەناسەدانێ و گشتی ددەمێ نڤستنێ دا.
- دێ چاوا چاڤدێریا خۆ کەی:
ئەگەر گەلەک فشار ل سەر تە ھەبن، باشترە داخوازا ھاریکاریێ ژ ھەڤال و نیاسیارێن خو بکەی،بێژێ چ ل تە دھێت و ئەگەر ب ئاشکەرای بێژیە ھەڤالێن خو ترس دێ کێم بیت و ئەڤە جورەکێ چارەسەریا دەروونی یە.
ھەول بدە وەرزشێ بکە داکو ژ ھێز و فیریانێن لەشێ خو دەربکەڤی و ئەڤە دێ ھاریکاریا تە کەن کو ب لەز بنڤی و پالپشتیێ ل سەر خو بکەی بو ھەناسەدانێ.
خو فێری سستەمێ نڤستنا ساخلەم بکە و بەری نڤستنێ چ دەرمان و کەرستێن بێھوشیێ بکارنەئینە و ھەول بدە رۆژانە ل دەمەکێ دەستنیشانکری ژ خەو راببی.
ئەگەر تە دیت ژبەر ب کارئینانا جورەکێ دەرمانان تو خەونێن نەخوش دبینی شیرەتان ژ نوشداری وەربگرە.
بێ ھیڤی بوون ژ نەخوشیێن دەرونی یێن بەلاڤەیە و مرۆڤی پال ددەت کو خو ژ کەسێن دەوروبەرێ خو دوور بکەت و ھەست ب ترسێ بکەت و بێئارام ببیت دژیانێ دا, دیسان بێ ھیڤی بوون ژیانا مرۆڤی دکەتە دوزەخ و مرۆڤی رەشبین دکەت, چ جاران خو بێ ھیڤی نەکە و ھەول بدە ل دەمێ ژ ژیانێ تورە دبی شیرەتان ژ نوشدارەکی وەربگرە.
- ئەگەرێن بێ ھیڤی بوونێ:
- نەسەرکەفتن د ژیانێ دا.
- ب کارئینانا توندوتیژیێ دژی زارویان ل دەمێ خەلەتیان دکەن.
- چاندنا ترسێ ددەروونێ زارویان دا.
- ل دەمێ زارۆک دھێتە پاشڤەبرن.
- ترس ژ ھەلویستێن ئاشووپی.
- دانعمربوون.
- چاوانیا کونترولکرنا بێ ھیڤی بوونێ:
د ڤێ قوناغێ دا کەسێ کو بێ ھیڤی دبیت گەلەک پێدڤیا ب ھاریکاری و پشتەڤانیا کەسێن دەوروبەرێ خو ھەی و ھەروەھا پێدڤی ب پشتەڤانیا خێزانێ ھەیە کو ھندەک رێکان بو ببینن داکو خەون و ئارمانجێن خو بجە بینیت و ھندەک ھیڤیێن نوو بدانیت، ئەو کەسێ تەنگەزاری ھەبن و یێ بێھێز بیت د کەسایەتیا خو دا ئەویژی ب ھەمان شێوە پێدڤی ب پشتەڤانیێ ھەیە کو جارەک دی شێوازێ ژیانا خو ب گوھوریت.
گەلەک گرنگە زوو رەفتارێ بکەین و نیشانێن بێ ھیڤیبوونێ کونترول بکەین بەری کو ئەو کەس نەخوش ببیت و خو ل مێشک و دەمارێن وی بدەت کو ئاگەە ژخو نامینیت و ھەست دکەت کەس گرنگیێ نادەتێ و ھەست دکەت ئەوی چ بەھا و ھەبوون دژیانێ دا نینە لەورا ھەول ددەت خو بکوژیت.