کەمال کەرکووکی:ل عيراقێ چو حزبه‌كێ ب تنێ هندى پارتى كورسى بده‌ستڤه‌نه‌ئينانه
ئه‌ڤرۆنيوز:
ئه‌ندامێ مه‌كته‌با سياسى يا پارتى ديموكراتى كوردستان، كه‌مال كه‌ركووكى، ل سه‌ر ئاستێ عيراقێ چو حزبه‌كێ ب تنێ هندى پارتى كورسى بده‌ستڤه‌نه‌ئينانه وهه‌موو ليستێن سه‌ركه‌فتى يێن دى، ژ هه‌ڤپه‌يمانيا چه‌ند حزبان دپێكهاتى نه.
كه‌مال كه‌ركووكى دياركر” پارتى ل سه‌ر ئاستێ عيراقێ وكوردستانێ وه‌كو حزب يا ئێكه‌مه وچو حزبه‌كا عيراقه وچو حزبه‌كا كوردستانى ژى ب تنێ هندى پارتى ديموكراتى كوردستان كورسى بده‌ستڤه‌نه‌ئينانه”.
كه‌ركووكى زێده‌تر دداخۆيانيه‌كا رۆژنامه‌ڤانى دا گۆت” پارتى ل سه‌ر ئاستێ عيراقێ دا ل دووڤ وێ رێزبه‌نديا هاتيه راگه‌هاندن وه‌كو ليست ل پلا چارێ هات، به‌لێ پارتى دليستا خوه‌دا يا ب تنێ يه وئه‌و سێ ليستێن دهژمارا ده‌نگ وكورسيان دا به‌رى پارتى هاتين، ژچه‌ند حزبان پێكهاتينه كو هه‌كه ئه‌و كورسيێن بده‌ستڤه‌ئيناين دابه‌شى ل سه‌ر حزبێن دناڤ ليستێن وان دا بكه‌ى، هژمارا كورسيێن وان ژ هژمارا كورسيێن پارتى كێمترن”.
