د روودانەکا هاتنوچوونێ دا سێ کەسان گیانێ خوە ژ دەست دا
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ مالپەرێ ئەڤرۆ نیوز دا خویاکرن: د روودانەکا هاتنوچوونێدا شەش کەس بوونە قوربانی.
ناڤهاتی زێدەتر دا دیارکرن : ل دەمژمێر ١٢:٠٠ شەڤا بوری روودانەک ژ جۆرێ لێگدان دناڤبەرا سێ ترۆمبێلان دا روودایە ل نێزیک گوندێ مرێبا ل سنورێ ناحیا قەسروک یا سەر ب قەزایا شێخان ڤە ، کو ئەڤ روودانە دناڤبەرا ترۆمبێلەکا تایبەت شوفرلێت ئۆپترا و بارهەلگرەکا بیکاب دێر و ترۆمبێلەکا چاندنێ ژ جۆرێ تراکتور فورگێسن دا روودایە و د ئەنجامدا سێ کەسان گیانێ خوە ژ دەست دا و سێ کەسێن دی ژی بریندار بووینە ، کو زێدەباری هندێ زیانێن ئابووری ژی گەهشتنە وان ترۆمبێلان.
