ب ئەگەرێ سزایێن ئەمریکا عێراق دێ پتر ژ ئیرانێ یا زەرەرمەند بیت
ئەڤرۆ نیوز ، زنار تۆڤی:
سه‌پاندنا سزایێن ئه‌مریكا ب سه‌ر ئیرانێدا دێ بیتە ئەگەرێ زیان گه‌هاندنێ ب عیراقێ و ئه‌ڤ وەلاتە دێ مەزنترین زه‌رەرمه‌رند بیت ژ ناكۆكیێن دناڤبەرا ئیرانێ و ئه‌مریكا دا.
عیراق ب شێوه‌کێ سه‌ره‌كى پشت به‌ستیه ب كه‌ره‌ست و وان پێدڤیێن ژ ئیرانێ ڤە دهێنە هناردە کرن و ئاڵوگۆرا بازرگانى دناڤبەرا ڤان هەردو وەلاتادا ل سالا بوری دا نێزیكى 6.7 ملیار دۆلاران بوویه.
مه‌زهه‌ر محه‌مه‌د سالح، شیرەتکارێ دارایی یێ سه‌رۆك وه‌زیران بۆ فرانس پرێس گۆتیە، کو سزایێن ئه‌مریكا دێ كاریگه‌ریێ ل سه‌ر ئابوورێ عیراقێ دروستکەت و گۆتیە، عیراق ب شێوه‌کێ بەرفرە به‌رهه‌مێن چاندنا ئیرانێ و مه‌وادێن خوارنی، هه‌روه‌سا ترۆمبێلان و کەرەستێن بیناسازى و ژێدەرێن دیتر یێن ئیرانێ ب كاردئینیت.
گۆتیە ژی، سالانه رێژەکا زۆر یا گه‌شتیارێن ئیرانى ب مه‌به‌ستا ئه‌نجامدانا رێورەسمێن ئاینی سه‌رەدانا عیراق دكه‌ن و كێمبوونا ڤێ چالاكیێ ژی دێ كاركەته سه‌ر ئابووریا عیراقێ.
