كوردەک دێ یاریێ بۆ یانا مانچستەر ستی کەت
ئەڤرۆ نیوز ، زنار تۆڤی:
ئێكەم یاریزانێ كورد د مێژوویا ڤێ یانێ دا گەهشتە رێزێن مانچستەر ستی یا ئنگلیزی.
دانیال ئەرزانی یاریزانێ كورد یێ هەلبژارتیێ ئوسترالیا، كو ل گەل تیما وەلاتێ خوە پشکداری د مۆندیالا تەپا پێ یا رووسیادا كریە، گرێبەستەک ل گەل یانا مانچستەر ستی یا ئنگلیزیدا ئیمزا كریە.
ئەرزانی كوردەکێ رۆژهەلاتێ كوردستانێ یە و خەلکێ باژێرێ خورەم ئاوا یە یێ سەر ب پارێزگەها لورستانێ ڤە، د ژیێ 19 سالیێ دایە و هەلگرێ رەگەزناما ئوسترالی یە و ل گەل خێزانێ خوە ل وی وەلاتی دژیت، بچوكترین یاریزانێ مۆندیالا 2018 ل رووسیا بوو.
پیپ گواردیۆلا راهێنەرێ یانا مانچستەر ستی دەربارەی ئەرزانی راگەهاندیە كو د یاریێن مۆندیالێدا ب هووری چاڤدێریا ئەرزانی كریە و شیانێن وی یێن بلند سەرنجا گواردیۆلای راكێشایە.
