سەعدی پیرە: ئێکەتی یا ئامادەیە بۆ هه‌لبژارتنێن 30 ئیلۆنێ
ئەڤرۆ نیوز ، زنار تۆڤی:
ئەڤرۆ پەیڤدارێ ئێکەتیا نشتیمانی یا کوردستانێ سەعدی پیره د کۆنگرەکێ رۆژنامەڤانی دا راگه‌هاند، کو ئه‌و ژ هه‌موو روویان ڤه بۆ هه‌لبژارتنێن په‌رله‌مانێ كوردستانێ ل 30 ئیلۆنێ د ئاماده‌نه.
ئەڤرۆ شەمبیێ 11.8.2018 مه‌كته‌با سیاسی یا ئێکەتیا نشتیمانی ل سلێمانیێ ب سه‌رپه‌رشتیا كوسره‌ت ره‌سول عه‌لی، جێگرێ سكرتێرێ گشتی کۆم بوو، د پرێس كۆنفرانسه‌كێ دا، سه‌عدی پیره په‌یڤدارێ ئێكه‌تیێ راگه‌هاند، کو كۆمبوون ل سه‌ر سێ ته‌وه‌رێن سه‌ره‌كی بوو، كو هه‌لبژارتنێن هه‌رێمێ و پێكئینانا حوکمه‌تا عیراقێ و كۆنگرێ ئێكه‌تیێ ب خوه ڤه گرتبوو.
گۆت ژی: ئێكه‌تی بۆ هه‌لبژارتنێن 30 ئیلۆنێ یا ئاماده‌یه و وان ب چو ره‌نگان داخوازا پاشخستنا هه‌لبژارتنان نه‌كریه، ده‌ربارەی كۆنگره‌ی ژی، مه‌كته‌با سیاسی داخواز ژ جڤاتا سه‌ركرداتی و جڤاتا ناڤه‌ندی كر، ژڤانێ كۆنگره‌یی دیار بكه‌ن.
سه‌عدی پیره‌یی ده‌رباره‌ی پێكئینانا حوکمه‌تا عیراقێ ژی گۆت: پارتی و ئێكه‌تی ل سه‌ر پاكێجه‌كا هه‌ڤپشك رێككه‌فتینه و داخواز ژ هه‌موو ئالیێن سیاسی ژی هاتیه كرن، کو پشكداری وێ پاكێجێ ببن.
