رۆژنامەیێن ئیتالی بۆ رونالدوی: کالچیو نە وەک خولا ئسپانیا یە
ئەڤرۆ نیوز:
شڤێدی کرستیانو رونالدوی یاریا خوە یا ئێکێ یا فەرمی دگەل یانا یوڤانتوس ئەنجامدا و تێدا یانا وی شیا سەرکەفتنێ ل سەر یانا کیێڤو توماربکەت ب سێ گۆلان بەرامبەر دو گۆلان، لێ رونالدو نەشیا چو گۆلان توماربکەت و ئەڤ چەندە ژی بویە بابەتێ رۆژنامەیێن ئیتالی.
رۆژنامەیێن ئیتالی یێن ئەڤرۆ سپێدێ ھاتینە وەشاندن پەسنا ئاستێ رونالدوی دکەن د یاریا شڤێدی دا ژوانا رۆژناما لاگازیتا دیللو سپورت دیارکریە سەرەرای رونالدوی نەشیا گۆلێ توماربکەت لێ شیا ئاستەکێ باش پێشکێش بکەت.
ژ لایێ خوە ڤە رۆژناما ریبابلیکا دیارکریە یوڤانتوس سەرکەفت و رونالدو تنێ بس نینە بۆ سەرکەفتنێ ل دویف گوتنا راھێنەرێ یانێ ماسیمیلیانو ئەلێگری.
رۆژناما لاستامپا ژی دیارکریە رونالدوی ھەمی تشت کرن تنێ گۆل تومارنەکر و وی زوو زانی خولا ئیتالیا نە وەک یا ئسپانیا یە بشێت ب ساناھی گۆلێ توماربکەت.
