رۆیتەرز: ئیران مۆشەکێن خوە ڤەدگۆهێزیتە عیراقێ
ئەڤرۆ نیوز ، زنار تۆڤی:
ئاژانسا ده‌نگوباسێن رۆیته‌زر ئه‌ڤرۆ ئەینىێ 31 تەباخێ بەلاڤەکریە کو ئیرانێ موشه‌كێن بالیستى ڤەگۆهاستینە عیراقێ و راده‌ستى وان گروپێن شیعان كرینه یێن كو پێش تەهرانێ ڤە شه‌ری دكه‌ن ئه‌ڤە ژی وه‌ك ئاگەهداركرنەکێ یە بۆ نه‌یارێن وێ.
رۆیته‌رز ژ زاردەڤێ چه‌ند ژێدەرێن ئیرانى و عیراقی و رۆژئاڤا ئاشكراکریه كو ئارمانج ژ هنارتا وان مۆشه‌كان بۆ عیراق ئه‌وه كو شیانێن خوە یێن سه‌ربازی زێدە بكەت بۆ به‌رسنگ گرتنا هه‌ر هێرشەکێ کو ژ رۆژهه‌لاتێ ناڤەراست بكرێته سه‌ر به‌رژه‌وه‌ندیێن وێ، داکو ئەو ژی ب وان مۆشەکان بەرسڤا نەیارێن خوە بدەت.
وێ ئاژانسێ ژ سێ ژێدەرێن ئیرانى و دو ژێدەرێن هه‌والگیریا عیراقی ئاشكراكریه كو ئیرانێ ئه‌و موشه‌ك ل هەیڤا بوری دا ڤەگوهاستینه.
