فالح فه‌ياز سكالايێ ل سه‌ر عه‌بادى تۆمار دكه‌ت
ئه‌ڤرۆنيوز:
سه‌رۆكێ ده‌سته‌يا حه‌شدا شه‌عبى، فالح فه‌ياز، سكالا ل سه‌ر سه‌رۆك وه‌زيرێن عيراقێ حه‌يده‌ر عه‌بادى تۆماركر، ئه‌ڤ چه‌نده ژى پشتى فه‌ياز ژلايێ عه‌بادى ڤه هاتيه دوورخستن ژ پۆستێ وى.
حه‌يده‌ر عه‌بادى، سه‌رۆك وه‌زيرێن عيراقێ به‌رى دو حه‌فتيان، فالح فه‌ياز ژپۆستێن وى وه‌كو سه‌رۆكێ ده‌سته‌يا حه‌شدا شه‌عبى وشيره‌تكارێ جڤاتا ئاسايشا نيشتمانى وسه‌رۆكێ ده‌زگه‌هێ ئاسايشا نيشتمانى دوورخستبوو، ڤێ چه‌ندێ ژى نيگه‌رانيا هژماره‌كا حزب ولايه‌نێن سياسى ل دووڤ خوه ئينا، ژێده‌ره‌كێ نێزيك ژ فالح فه‌ياز ژى راگه‌هاند كو ناڤبرى سكالا دژى عه‌بادى تۆماركريه.
وى ژێده‌رى بۆ هنده‌ك ده‌زگه‌هێن راگه‌هاندنێ ل عيراقێ گۆت ژى” فالح فه‌ياز يێ رژده ل سه‌ر دادگه‌هكرنا عه‌بادى وكارێ وى ژى وه‌كو سه‌رۆك وه‌زيرێن عيراقێ ل ڤى ده‌مى ب نه‌قانوونى هژمارت”.
