ھەڤپەیمانیا نێڤدەولەتى نووچەکێ ل دۆر دێرازۆرێ رەت دکەت
ئەڤرۆ نیۆز:
ئەڤرۆ چەندین دەزگەھێن راگەھاندنا جیھانی بەلاڤکربوون کو د ئەنجاما ھێرشێن فرۆکێن ھەڤپەیمانان ل دێرازۆرێ چھل وەلاتیێن سڤیل جانێ خوە ژ دەست داینە، لێ ھەڤپەیمانیا نێڤدەولەتی د داخۆیانیەکێ دا راگەھاند کو چو راستی بۆ ھندێ نینن و ئارمانجا سەرەکی یا ھێرشێن ئەسمانی ژناڤبرنا داعشێ یە.
ل ئالیێ دی بەرپرسەکێ ھێزێن سووریا دیموکرات ژی راگەھاند کو چو راستی بۆ ھندێ نینن و ئۆپەراسیۆنێن مە ب پشتەڤانیا فرۆکێن شەری یێن ئەمریکا و ھێزێن ھەڤپەیمانان بۆ ژناڤبرنا داعشێ بەردەوامن و ھەتا نھا مە شیایە گەلەک دەڤەرێن دێرازۆرێ ژ داعشێ پاقژ کەین و مە دڤێت وەلاتی ڤەگەرنە ڤە سەر جھێن خوە.