ل دەمێ یاریا تەپا پێی دا گیانێ خوه ژ ده‌ست دا
ئەڤرۆنیوز، سەباح زێباری:
جومعا ئەحمەد نوشدارێ نوبەدار ل نەخۆشخانا تەنگاڤیا ل ئاکرێ بۆ ئەڤرۆ نیوز دا دیارکرن کو ئەڤرۆ دەمژمێر شەشێ ئێڤارێ ل یاریگەها گوندێ خەلیلکا ل قەزا ئاکرێ گەنجەک ب ناڤێ( عەلا خسرۆ محیەدین) کو قوتابیێ پەیمانگەها پەروەردا وەرزشی یە ل ئاکرێ ل دەمێ یاریا تەپانێ دا ل یاریگەهێ دا دگەل هەڤالێن خوە دا گیانێ خوە ژ دەست دا، کو ئەڤ چەندە ژی پشتی وێ چەندێ بوویە کو زمانێ وی هاتی قوت دان ئانکو وەرگەریایە.
ناڤبری زێدەتر گۆت کو ئەڤ گەنجە د ژیێ ۱۷سالیێ دایە، پشتی کو هاتی یە رەوانەکرن بۆ نەحۆشخانێ ژ لایێ نوشداران ڤە هەمی بزاڤ هاتن کرن، لێ وی گەنجی گیانێ خوە زوو ژ دەست دابوو بەری بگەهیتە نەخۆشخانێ، ل دوڤدا تەرمێ وی هاتە رەوانەکرن بۆ نوشداریا داد ل پارێزگەها دهوکێ.