چەند کۆلبەرێن کورد د ناڤ سەرمایێ دا جانێ خوە ژ دەست دان
ئەڤرۆ نیۆز، هۆشەنگ تاجر:
مەجید محەمەدی ئەندامێ رێکخراوا مافێ مرۆڤی ل رۆژهەلاتێ کوردستانێ بۆ ئەڤرۆ نیۆز دیار کر کو د ماوەیێ سێ رۆژان دا چار کۆلبەرێن کورد یێن رۆژهەلاتێ کوردستانێ ل نێزیکی باژێرێ خانێ یێ رۆژهەلاتێ کوردستانێ د ناڤ بەفرێ دا گیانێ خوە ژ دەست داینە و گۆت: (ژ ترسا هێزێن پاسداران و تەقەکرنا وان کۆلبەرێن کورد نەچار دبن رێیێن مەترسیدار بکار بینن و ژ بەر هندێ ژی ژ بەر سەرمایێ و بەفرێ د ماوەیێ چەند رۆژێن بۆری دا چار کۆلبەران جانێ خوە ژ دەست داینە).
ناڤهاتی راگەهاند کو شەڤێ دی ژی کۆلبەرەکێ کورد ب ناڤێ زانیار عەزیز زادە خەلکێ خانێ ژ بەر بەفرێ و سەرمایێ جانێ خوە ژ دەست دایە.