ڤان یانا چەند پارە فایدەکرن
ئەڤرۆ نیوز:
رۆژنامەیا موندو دیبورتیڤو یا ئسپانی راپورتەکێ دا بھایێ داھاتێ وان یانا ئاشکرا کر یێن دەربازی قوناغا شازدێ یا قارەمانیا ئوروپا قارەمانێن خولان بووین ل دووڤ ئەنجامێن ھەر یانەکێ د قوناغا کومان دا.
ھەر تیمەکا پشکدار د قوناغا کومان دا ١٥ ملیۆن یورویان ژ ئێکەتیا ئوروپا وەردگریت دیسان ٩ ملیۆن و نیڤ بۆ ھەر تیمەکا دەربازی قوناغا شازدێ دبیت زێدەباری پاداشتا ھەر سەرکەفتنەکێ دو ملیۆن و ٧٠٠ ھزار و وەکھەڤیێ ژی ٩٠٠ ھزار یورونە.
رۆژناما کەتالونی دیارکر یانا پورتو یا پرتوگالی زێدەتر ژ ھەموو یانا داھات بۆ خوە کومکریە ژ ڤێ قارەمانیێ کو گەھشتیە ٣٩ ملیۆن و ١٠٠ ھزار یورونە ژ بەرکو ڤێ یانێ پێنج سەرکەفتن و وەکھەڤیەک د قوناغا کومان دا دەستخوە ڤە ئینان و د چو یاریان دا خوسارەت نەبوو، یانا بەرشەلونە یا ئسپانی رێزا دویێ ھات ژ داھاتێ قارەمانیا ئوروپا ب چار سەرکەفتن و دو وەکھەڤیا ب ھەمان ئەنجام یانا بایرن میونخ یا ئەلمانی ژی ل رێزا سیێ ھات.
رێزبەندا وان یانێن زوورترین داھات دەستخوە ڤە ئینای
١.پورتو ٣٩.١ ملیۆن یورو
٢. بەرشەلونە ٣٧.٣ ملیۆن
٣.بایرن میونخ ٣٧.٣ ملیۆن
٤. ئەتلەتیکو مەدرید ٣٦.٤ ملیۆن یورو
٥. بورسیا دورتموند ٣٦.٤ ملیۆن
٦.مانچستەر ستی ٣٦.٤ ملیۆن
٧. ریال مەدرید ٣٥.٥ ملیۆن
٨. یوڤانتوس ٣٥.٥ ملیۆن
٩. ئەیاکس ٣٥.٥ ملیۆن
١٠. پاریس سان جێرمان ٣٤.٦ ملیۆن