ھەڤالێ وی بو ریال مەدرید یێ گونجایە
ئەڤرۆ نیوز:
یاریزانێ ھێلا ناڤینا یانا رێڤەرپلێت یا ئەرژەنتینی لیوناردو بونزیو وەسا دبینت کو ھەڤالێ وی ل یانێ گەلەک یێ گونجایە دگەل شێوزاێ یاریکرنا یانا ریال مەدرید.
ئەڤ گوتنێن ڤی یاریزانی ددمەکی دانە کو یانا ریال مەدرید گرنگیێ دەتە یاریزانێ رێڤەرپلێت ئاسیوسی ئەوێ د یاریا دووماھیا کاسا لێبرداتوس دا ئاستەکێ نمونەی پێشکێشکری و بەرپرسێن یانێ ئاشکراکرین کو گەھشتینە رێککەفتنێ ژبو ئیمزاکرنا ھەڤبەستا وی.
زێدەتر بونزیو دوپاتکریە کو ھەڤالێ وی ئاسیوسی ئەو سالوخەتێن گونجای بو یانا ریال مەدرید یێن ھەین و ھەکە ھەڤبەستا وی ھاتە ئیمزاکرن دشیانێن وی دایە زێدەھیەکا مەزن ل تیمێ پەیدابکەت.
ھەروەسا ئەو چەندە ژی خویاکر کو ھەڤالێ وی وەکو کەسەکێ بنیات ئوروپی یە و شێوازێ وی یێ کرنا یاریێ بیرا وی ل وان کەسان دئینت یێن درێسێ ریال ل ڤێ قوناغا ژیێ خوە ل بەر خوە کرین و شیاین ببنە ئێک ژ یاریزانێن جیھانێ.