پەرلەمانتارەکێ پارتی: کۆتلەیێن پەرلەمانی باوەری ب دیموکراتیێ نینە
ئەڤرۆ نیۆز، قائید میرۆ:
پەرلەمانتارەکێ پارتی ل پەرلەمانێ عێراقێ ئاشکرا کر، گرێیا تەمام کرنا کابینا حوکمەتا عێراقێ تنێ لسەر وەزیرێ نافخۆ و بەرگیریێ مایە و کۆتلەیێن ناڤا پەرلەمانی باوەری ب دیموکراتیەتێ نینە.
دکتۆر ناسر محیەدین، ئەندامێ فڕاکسیۆنا پارتی ل جڤاتا نوونەرێن عێراقێ بۆ ئەڤرۆ نیۆز دیارکر” پرسا ئێکلاکرنا ھەر دو وەزیرێن ناڤخۆ و بەرگیریێ ئاریشەیەکا دژوارە، چونکە ئاریشە دناڤبەرا ھەڤپەیمانیا بینا و ئیسلاح دا پەیدا کریە، ئەگەرێ پەیدابوونا ئاریشێ بۆ ڤێ چەندێ ڤەدگەڕیت بەربژێرێ وەزارەتا ناڤخۆ فالح فەیاز بەری نوکە دگەل حەیدەر عەبادی کار کریە و کۆتلەیا ئیسلاح دبێژن ئەم رازی نابن جارەکا دی تەحەدا ل مە بھێتەکرن و کەسەک ل سەر مە بھێتە فەرزکرن.
پەرلەمانتارێ پارتی ئاماژەکر” ئەڤا مە دیتی ل پەرلەمانێ عێراقێ ئەڤانا باوەری ب دیموکراتیەتێ نینە، لەوڕا لدۆر ئێکلاکرنا پۆستێن وەزارەتان ناگەھنە چو رێککەفتنان.
دکتۆر ناسر محیەدین ئەو یەک ژی دیار کر وەزیرێ ناڤخۆ ل عێراقێ ھەموو دەستھەلاتەک ھەیە و ھەم وەزیرێ ناڤخۆیە ھەم ژی زێرڤانێن سنوری و ئاسایشا نیشتمانی و بادەکێن ئێمناھیێ ھەموو د دەستی دانە، مخابن جیھازا ئەمنی ل عێراق تژی گەندەلیە و ئەڤا نوکە ژی بۆ پۆستێ وەزیرێ ناڤخۆ دھێتەکرن شەڕێ پارەیە.