خوارن بۆ ساخلەمیەکا سیکسی یا دلخۆش
ئه‌ڤرۆ نيوز:
پتریا دەمان مرۆڤ پەنایێ دبەتە کەرستێن سروشی ل شوونا دەرمانێن کێمایی بۆ چارەکرنا ئاریشێن سیکسی، بێگۆمان ئەو چارەسەری د خوارنێن سروشتی دا ھەنە بۆ بھێزکرنا کریارا سیکسی، ژ وانا ئەڤوکادۆ و سێڤ و تۆڤکێن شتی.
مفایێن دۆشاڤا ئەڤکادۆیێ بۆ پەیوەندیا سیکسی:
زێدەباری مفایێن ساخلەمی ێن ئەڤوکادۆیێ، دۆشاڤا وێ گەلەکا گرنگە بۆ لاوازیا سیکسی ب تایبەت نەخۆشیێن نەبەرھەڤیا زەلامی، ژبەرکو ڤیتامین B6 و ترشیێ فۆلیک د ناڤ دا ھەنە وھەردو ژی دھاریکارن بۆ رێکخستنا ئاستێ ترشیێ ئەمینی یێ زەلامی بۆ کریارا سیکسی بەرھەڤ دکەت، ھەروەسا ڤیتامین B و پوتاسیۆم و مەگنیزیۆم ژی د ناڤ دا ھەنە و دبنە ئەگەر سپێرمێن زەلام چێبن و مرۆڤی ژ ەنجەشێرا پرۆستاتا دپارێزن، ھەروەسا دەمێ ھێزا سیکسی ل نک زەلامی لاواز دبیت، ئەڤوکادۆ یا ھاریکارە بۆ گەھاندنا خوینێ بۆ کوئەندامێ سیکسی و ب وێ یەکێ ھێزا سیسکی زێدە دکەت.
مفایێن سێڤێ بۆ پەیوەندیا سیکسی:
سێڤ ئێک ژ وان فێقیانە کو پێدڤیە مرۆڤ رۆژانە بخۆت، بتایبەت چونکو گێولێ مرۆڤی خۆش دکەت و مرۆڤی ژ خەمۆکیێ دوور دکەت، لەورا ئێک دبیتە ئێک ژ وان فێقیانە کو ھاندانا ھێزا سیکسی دکەت. ل گۆرەی ڤەکۆلینێن زانستی ژی دوپات بوویە کو سێڤ یا ھاریکارە بۆ بھێزکرنا شیانێن سیکسی.
مفایێن تۆڤکێن شتی بۆ کریارا سیکسی:
گەلەک تایبەتمەندێن خوارنێ وێ شیرەتێ دکەن کو تۆڤکێن شتیان نەھاڤێژن، بەلکو پێدڤیە بکەڤنە د ناڤا سیستەمێ رۆژانە یێ خوارنێ دا، ژبەرکو یا دەولەمەندە ب پرۆتینان کو دگرنگن بۆ لەشێ مرۆڤی، ھەروەسا شیانێن سیکسی ژی زێدە دکەن.
ڤەکۆلینەکا ئەمریکی دوپات کرییە کو تۆڤکێن شتی مفایێن گەلەک باش بۆ چارەکرنا ئاریشێن خرشبوونێ ھەنە، ھەتا وی رادەی کو دبیت ھەمان کارتێکرنا ڤیاگرایێ ھەبیت، ھەروەسا کەرستەک تێدا ھەیە دەمارێن خوینێ نەرم دکەتن و خۆین زووتر دگەھیتە کوئەندامێ سیکسی و شیانان زێدە دکەت.
