رۆژناما مارکا دانپێدانێ ب ٤٠٠ گۆلێن مێسی ناکەت !
ئەڤرۆ نیوز:
رۆژناما مارکا ئسپانی رەتکر ئەو دانپێدانێ ب گەھشتنا ستێرا ئەرژەنتینی و یانا بەرشەلونە لیونێل مێسی بکەت کو وی ٤٠٠ گۆل تومارکرینە.
شەڤا بوری مێسی شیابوو گۆلا دویێ یا یانا خوە بەرشەلونە ل سەر یانا ئیبار تومار بکەت ب ڤێ چەندێ ھژمارا گۆلێن خوە بکەتە ٤٠٠ د مێژوویا پشکداریێن خوە دگەل یانا کەتالونی.
رۆژناما مارکا د راپورتەکێ دا ئەڤرۆکە بەلاڤ کریە مێسی ھێشتا نە گەھشتیە گۆلا ٤٠٠ ژ بەرکو د یاریەکێ دا د وەرزێ ٢٠١٢-٢٠١٣ دا د یاریا ناڤبەرا بەرشەلونە و ئەتلەتیکو بلباو دا یاریزانێ یانا باسکی فێرناندو ئوریبیتا ب خەلەتی گۆل ل سەر یانا خوە تومارکر و دادڤانێ یاریێ ماتیو لاھوس ئەڤ گۆلە ب ناڤێ مێسی ھژمارتیە و ئەڤ چەندە ژ د ژمێریاریێن رۆژناما مارکا دا ب ناڤێ ئوریبیتا ھاتیە ھژمارتن لەورا ئەو دانپێدانێ ب وێ چەندێ ناکەت کو بۆ مێسی ھاتیە ھژمارتن.
