روسیا سێ رێ داناینە پێشیا پەیەدێ
ئەڤرۆ نیوز:
چیا حەمید چاڤدێرێ سیاسی یێ رۆژئاڤایێ کوردستانێ بۆ ئەڤرۆ نیوز دیار کر کو دەمێن بۆری شاندەکێ پەیەدێ ب سەرۆکاتیا سەبری ئوک ئێک ژ سەرکردێن پەکەکێ سەرەدانا روسیا کرینە و ل گەل شاندەکێ وەزارەتا دەرڤە یا روسیا هەڤدیتن کرینە، لێ شاندێ روسیا سێ رێ داینە پێشبەری پەیەدێ و بۆ وان دیار کرینە کو هوون دڤێت بخوە بریارا خوە بدەن.
ناڤهاتی ل دۆر وان سێ رێیان ژی گۆت: (روسیا دیار کریە کو ئەم نەشێین رێگریێ ل هێرشێن تورکیا ل سەر رۆژئاڤا بکەین ژ بەر هندێ ژی دڤێت یەپەگە خوە هلوەشینیت و ببیتە پشکەک ژ لەشکرێ سووریێ، یان ژی دڤێت دەڤەرا رۆژئاڤا چۆل بکەت و بچیتە دێرازۆرێ یان ژی شەنگالێ و خالا دی ژی رۆژئاڤایێ کوردستانێ رادەست بکەن دا تورکیا هێرش نەکەت).
ناڤهاتی راگەهاند کو بەرپرسێن پەیەدێ ژی ئەو یەک ب توندی رەتکرینە و دیار کرینە دڤێت شام خوەسەریا باکورێ سووریێ قەبوول بکەت و پاشی ئەو بەرهەڤن هندەک مەرجێن شامێ بجه بینن.
