جلكا ب ئاڤا ته‌زی نه‌شوون
ئەڤرۆ نیوز:
گه‌له‌ك ڤه‌كولینان دیاركریه كو رێژه‌كا میكرۆبان ل سه‌ر جلكێن شووشتی یا هه‌ی پشتی وه‌رگرتنا نموونه‌یان، ب ڤێ چه‌ندێ دیاردبیت كو شووشتنا جلكا رامانا وان پاقژی نینه، دبیت ئه‌ڤ پێزانینه گه‌له‌ك بۆ گه‌له‌ك كه‌سان جهێ حێبه‌تیێ بیت، به‌لێ ڤه‌كولین ته‌ئكیدێ لێ دكه‌ن و زانا دبێژن كو شووشتنا جلكا ل سه‌ر پلا 30ێ ژی نابیته ئه‌گه‌رێ پاقژكرنا وان، به‌لكو ئه‌و دبیته ئه‌گه‌ر كو به‌كتریا دناڤدا زێده‌ببن و بۆ جلكێن دیتر ژی بهێنه ڤه‌گوهاستن، ژبه‌ركو پلێن گه‌رماتیا نزم نه ب هێزن بۆ كوشتنا به‌كتریایێن دبنه ئه‌گه‌رێ نه‌خۆشیا، گه‌له‌ك ڤه‌كولینان دیاركریه كو میكرۆب ل سه‌ر جلكێن شووشتی هه‌نه و پشتی نموونه ژێ هاتینه وه‌رگرتن دیاردبیت ئه‌و میكرۆب گه‌شه دكه‌ن.
زانا هوشداریێ دده‌ن كو نابیت جلكێن دناڤدا و ژده‌رڤه بهێن تێكه‌لكرن ل ده‌مێ شووشتنێ ئه‌وژی هاریكارن بۆ ڤه‌گوهاستنا میكرۆبان، ب شێوه‌یه‌كێ گشتی پێدڤیه جلك ل پلا گه‌رماتیێ دسه‌ر 60% بهێنه شووشتن داكو به‌كتریا بهێنه كوشتن و هه‌یڤانه ب كێماتی جاره‌كێ ئاڤ بگه‌هیته 90 پله‌یان داكو جلشووژی تافیل ببیت، هه‌روه‌سا نابیت راسته‌وخو جلشوو پشتی شووشتنا جلكا بهێته داخستن، به‌لكو یا فه‌ره بۆ ده‌مه‌كی ڤه‌كری بیمینیت و هه‌وا بگه‌هیتێ داكو میكرۆب گه‌شه نه‌كه‌ن، هه‌روه‌سا دڤێت ده‌ست باش بهێنه شووشتن پشتی جلك ژ جلشوویێ دهێنه ده‌رخستن داكو میكرۆب ب ده‌ستان ڤه نه‌مینن.
ژێدەر/ نۆش نیوز
