سالیادا دامه‌زراندنا كومارا مهاباد ل ئامێدیێ هاته ساخكرن
ئەڤرۆ نیوز، مەحمود نهێلی:
بهەلکەفتا دەربازبوونا 73 سالان ب سەر دامەزراندنا کومارا کوردستان ل مهابادێ رێورەسمەک ل هولا سه‌نته‌رێ ره‌وشه‌نبیرى یێ ئامێدیێ ژلایێ كولیژا په‌روه‌رده بنیات ل ئامێدیێ هاته سازكرن و تێدا دو پێشمەرگێن سەردەمێ کومارا ناڤهاتی ب خەلاتەکێ رێزلێنانێ هاتنە خەلاتکرن.
ئیسماعیل مستەفا قایمقامێ قەزا ئامێدیێ کو ئەڤ رێ و رەسمە ل ژێر چاڤدێریا وی هاتبوونە رێكخستن بۆ ئەڤرۆ نیوز دیار کر، کو ئەڤ رێورەسمە ب به‌رهه‌ڤبوونا دو پێشمه‌رگێن سه‌رده‌مێ کومارا کوردستان هاتنە ساخکرن و گۆت : زێدەباری خەلاتکرنا ڤان هەر دو پێشمەرگەیان ب خەلاتەکی رێزلێنانی سمینارەک ژی هاتە پێشکێش کرن و تێدا بەحسێ چاوانیا دەمەزراندنا کومارا مهاباد و هەروەسا ئەگەرێن ژناڤچوونا وێ هاتنە گەنگەشەکرن.
ئەڤ رێورەسمە ب بەرهەڤبوونا ئیسماعیل مسته‌فا قایممقامێ قه‌زا ئامێدیێ و كارگێرێ لقا(18) و به‌رپرسێ لژنا ناوچا ئامێدیێ یێن پارتى و رێڤه‌به‌رو به‌رپرسێن دام و ده‌زگه‌هێن میرى و حزبى و كه‌سایه‌تى و وەلاتى و قوتابیان هاتە گێران و د سمینارەکی دا به‌حسێ دامه‌زراندنا كومارا مهاباد هاتە کرن ل ده‌مێ شه‌رێ جیهانیێ دووێ، هه‌فپه‌یمان شیاین پارچه‌كا مه‌زنا ئه‌ردێ ئیرانێ داگیر بكه‌ن و بریتانیا و ئه‌مریكا ژ باشورى ڤه و روسیا ژ باكورى ڤه هاتینه دناف ئه‌ردێ ئیرانێ دا و بو ئه‌گه‌ر ل رێكه‌فتى 22\1\1946 كومارا مهاباد بهێته دامه‌زراندن و ئالایێ كوردستانێ ل كوردستانا روژهه‌لات بهێته بلندكرن هه‌روه‌سا به‌حس ل ده‌ستكه‌فتێن كومارا مهاباد و ئه‌گه‌رێن ژناڤچوونا كومارێ هاتنە کرن و ل دووماهیێ هه‌ردوو پێشمەرگەیێن سه‌رده‌مێ كومارا مهاباد (فه‌ریق به‌خشى و سه‌لیم عبدالرحمان) به‌حسێ سه‌رده‌مێ كومارا مهاباد و پێشمه‌رگێن وێ كر .
پاشى قایممقامێ قه‌زا ئامێدیێ و كارگێرێ لقا (18) یا پارتى خه‌لاتێ رێزلێنانێ پێشكێشى هه‌ردوو پێشمه‌رگێن كومارا مهاباد كرن.
