ئەردۆگان دەست ڤالا ژ روسیا ڤەگەری
ئەڤرۆ نیوز:
ئاژانسا سپۆتینگ یا روسیا راگەهاند کو د هەڤدیتنا پوتین و ئەردۆگانی دا شاندێ تورکیا تشتێ ژ روسیا دخواست بدەستڤە نەئینا، چونکو روسیا ل دژی هندێ یە تورکیا دەست ب ئۆپەراسیۆنەکا سەربازی د ناڤا ئاخا سووریێ دا بکەت و دخوازیت کوردێن سووریێ و شام پێکڤە ب رێیا دانوستاندنان ئاریشێن خوە چارەسەر بکەن، ئەو یەک ژی ل دژی پیلانێن تورکیا یە و ژ بەر هندێ تشتێ ئەردۆگانی دخواست بدەستڤە نەهات.
د بەدەوامیا راپۆرتێ دا ئاماژە ب هندێ ژی هاتیە کرن کو نها روسیا وەکو جاران بۆ سووریێ پێدڤی تورکیا نینە، چونکو رۆژ ب رۆژێ پێگەهێ ئەسەدی بهێز دکەڤیت و کوردێن سووریێ ژی دبێژن مە نەڤێت ژ سووریێ جودا بین و دخوازین ل گەل شامێ بگەهنە رێککەفتنەکێ، ژ بەر هندێ ژی روسیا وەکو جاران پێدڤی تورکیا نینە.
