وه‌زیرێ په‌روه‌ردێ به‌حسێ مامۆستایێن گرێبه‌ست و پاشكه‌فتی دكه‌ت
ئه‌ڤرۆ نیوز:
وه‌زیرێ په‌روه‌ردا حوكمه‌تا هه‌رێما كوردستانێ راگه‌هاند، سوبه‌هی دانوستاندنێن پێكئینانا كابینا نوو یا هه‌رێمێ دێ ده‌ست پێ كه‌ن و گۆت:(ل گه‌ل هاتنا پاره‌ی ژ به‌غدا مووچه دێ وه‌كو خوه لێ هێت).
د. پشتیوان سادق د پرێس كۆنفرانسه‌كی دا گۆت ژی:( به‌ری سێ هه‌یڤان من گۆت د پاشه‌رۆژه‌كا نێزیك دا دێ پاشكه‌فتێ مووچه‌ی هێته لادان و دوهی ژی سه‌رۆك وه‌زیرێن هه‌رێمێ راگه‌هاند، هه‌ر ده‌مێ ئه‌و پارێ د بودجێ دا هاتیه دیاركرن ژ به‌غدا اهت، دێ مووچه وه‌كو خوه لێ هێت و پاشكه‌فت نامینیت).
وه‌زیرێ په‌روه‌ردێ ئاماژه دا گاڤێن پێكئینانا كابینا نوو یا حوكمه‌تا هه‌رێما كوردستانێ و راگه‌هاند، سوبه‌هی دانوستاندنێن لایه‌نێن سیاسی دێ ده‌ست پێ كه‌ن و گۆت:(ئه‌و گرفتێن هه‌ین، د مه‌زن نینن، راسته پێكئینان گیروبوو، لێ ئومێده‌وارین كابینا نوو ب زووترین ده‌م پێك بهێت).
