زه‌لامه‌كێ 50 سالى كچه‌كا 11 سالى پێش قه‌رێ خوه ڤه ماره‌كر
ئه‌ڤرۆ نيوز:
رێكخراوا مافێن مرۆڤى “هه‌نگاو” د راپۆرته‌كێ دا راگه‌هاند كو د ماوێ بۆرى دا، ل ئێك ژ گۆندێن به‌خشێ زه‌رده‌لان و هه‌ليلان يا پارێزگه‌ها ئيلام يا وه‌لاتێ ئيرانێ، كچه‌كا 11 سالى ب ناڤێ زارا، ل جهێ قه‌رێن بابێ وێ كو 15 مليۆن تمه‌ن بوو، ل زه‌لامه‌كێ 50 سالى ب ناڤێ سه‌فه‌ر عه‌لى ره‌زايى كو 39 سالان ژ وى مه‌زنتره ماره‌كر.
رێكخراوا مافێن مرۆڤى “هه‌نگاو” راگه‌هانديه ژى كو زارا يا 11 سال ب ناچارى دايه شوو و به‌رامبه‌ر وى قه‌رى شوو ب وى زه‌لامێ 39 سالان ژ وێ مه‌زنتر كريه.
رێكخراوا گۆتنێن كه‌سه‌كێ چالاكڤانێ مه‌ده‌نى ل پارێزگه‌ها ئيلام يا وه‌لاتێ ئيرانێ وه‌رگرتيه كو ناڤبرى ژ نێزيك چاڤ ب زارايێ كه‌فتيه، ئه‌و دبێژيت: “زارا نها يا ل گۆندێ (په‌يامنى زه‌رده‌لان) يێ ئيلام و تووشى كێشێن ده‌روونى بوويه و پشتا وێ دئێشيت”.
ئه‌ڤ چالاكڤانێ زارا ژ نێزيك ڤه ديتى ئه‌گه‌رێ پشت ئێشانا وێ بۆ وێ چه‌ندێ د ڤه‌گه‌رينيت، “زارايێ شيانێن وێ په‌يوه‌نديێ نينن يا ل گه‌ل مێرێ خوه هه‌ى”.
