هەتا نوکە تیمێن نقومڤانان ل شێخان نینن
ئەڤرۆ نیوز، بارزان مزووری:
رێڤەبەرێ بەرەڤانیا باژێری ل قەزا شێخان دیار کر کو ھەر روودانەکا خەندقینێ ل سنوورێ قەزا شێخان دروست دبیت تیمێن نقومڤانان ژ قەزا ئاکرێ دھێن بۆ دەرئینانا ئەو کەسێ خەندقی دناڤ ئاڤێ دا.
عقید تاھا حاجی، رێڤەبەرێ بەرەڤانیا باژێری ل قەزا شێخان بۆ ئەڤرۆ نیوز دیار کر کو وان گەلەک بزاڤ کینە و دگەل رێڤەبەرێ گشتی یێ بەرەڤانیا باژێری ل مووسل ژی ئاخفینە سەرەدانا شێخان ژی کریە ب نڤیسارێن فەرمی وان داخواز ژێ کرینە تیمەکا نقومڤانان کو ژ چار کەسان پێک بھێت بۆ قەزا شێخان دامەزرینیت دا بشێن وان روودانێن خەندقینێ ل شێخان دروست د بن کونترول بکەن.
ناڤھاتی خویاکر کو ھەر روودانەکا خەندقینێ دروست دبیت تیمێن نقومڤانان ژ ئاکرێ دھێن هەتا دگەھنە جھێ روودانێ ئەو کەسێ کەفتیە دناڤ ئاڤێ دا ب سلامەت دەرناکەڤیت گیانێ خو ژ دەست دەت.
