ل گوندەکێ دەڤەرا ئاکرێ چو کەسەک جگارا و نارگیلێ ناکێشیت
ئەڤرۆ نیوز، سەباح زوهێر زێباری:
ل گوندێ درین شێخ ل ناحیا گردەسێن یا سەر ب دەڤەرا ئاکرێ ڤە چو ئاکنجییەکێ وی گوندی جگارێ و نارگیلێ ناکێشیت.
کوڤان نەوزاد درین شێخ پەیامنێرێ رێکخراوا ماکوس میدیا ل گوندێ ناڤبری بۆ ئەڤرۆ نیوز ددەتە دیارکرن کو ٦٥ مال د وی گوندی دا هەنە و هژمارا ئاکنجیێن وی گوندی ٤٥۰کەسن، و خودی کومەکا گەنجێن رەوشەنبیر و قوتابیێن زانکویێ یە، لێ دنهادا یا کو جهێ حێبەتیێ یە دڤی گوندی چۆ گەنجەک و سنێلەک و دانعەمرەک جگارێ و نارگیلێ ناکێشن.
ناڤهاتی زێدەتر گۆت دەمێ مێهڤانەک دهێتە گوندی نورمالە جگارێ بکێشیت، لێ ئەم دبینە پالپشت بۆ وی کو ئەو ژی بهێلیت، تنێ مارکێتەک یا ل گوندی دا هەی و کەس لێ ناکریت تنێ هەکە مێهڤانەک بهێت بخۆ بکریت.
ئاماژە دا وێ چەندێ کو ئەم وەکو رێکخراوا ماکوس میدیا هەردەم کار ل سەر پەروەردە و رەوشەنبیرکرنا تاکێ جڤاکێ خۆە دکەین، هیڤیا مە ئەوە هەمی خەلکەک چاڤ ل گوندێ ناڤبری بکەت و ساخلەمیا خۆە بگرنگ وەربگرن، چونکی نوکە ئەم یێ دبینین زاروک و سنێلە و گەنجێ مە یێ تۆشبوویە ب کێشانا نارگیلە و جگاران.
