ژبه‌ر سكالایێ، ره‌نگه ریال ببیته سه‌ركه‌فتیا یاریا شڤێدى
ئه‌ڤرۆ نیوز:
ژ ئه‌گه‌رێ تانه‌دانا یانا ریال مه‌درید ب پشكداریا فیرناندو توریس یاریكه‌رێ یانا ئه‌تله‌تیكو مه‌درید د دێربیا شه‌فا چویى دا، ره‌نگه ئه‌نجامێ یاریێ ژ سه‌ركه‌فتنێ بهێته گوهۆرین ب شكه‌ستنێ بۆ ئه‌تله‌تیكو.
رۆژناما ئاس یا ئیسپانى به‌لاڤكریه كو تورێس ب تنێ موله‌تا ده‌سته‌یا یانێن ئسپانیا هه‌بوویه، له‌وما پشتى یاریێ د راپۆرتا دادوه‌ریێ دا ئاماژه ب نه‌بوونا چو به‌لگه‌نامه‌كا فه‌رمى یا تورێس كریه ژ ئالیێ ئێكه‌تیا ته‌پا پێ یا ئسپانى.
ل گۆر رۆژناما ئاس ئه‌گه‌ر به‌لگه بهێنه سه‌لماندن، دێ ئه‌نجامێ یاریێ ب شكه‌ستنا ئه‌تله‌تیكو 3-0 هێته هژمارتن و ریال بیته سه‌ركه‌فتیا یاریێ.
