پارێزگه‌رێ دهۆكێ پێشوازیا شانده‌كێ لیژنا بلند یا ئاكنجیبوونێ ل عیراقێ كر
ئەفرۆ نیوز:
ئه‌ڤرو سپێدێ 17/6/2019 فه‌رهاد ئه‌مین ئه‌تروشى پارێزگه‌رێ دهوكێ پێشوازیا شانده‌كێ لیژنا بلند یا ئاكنجیبونێ ل عیراقێ ب سه‌روكاتیا لیوا(عبدالكریم الشاوى) كر.
دهه‌ڤدیتنه‌كێ دا ب ئاماده‌بونا بهزاد على ئاده‌م جێگرێ پارێزگه‌رێ دهوكێ وهاریكارا رێڤه‌به‌رێ رێكخراوا UNHCRل به‌غدا به‌حسێ ره‌وشا په‌نابه‌ران ل سنورێ پارێزگه‌ها دهوكێ وئه‌و كار وخزمه‌تا بو دهێته پێشكێشكرن دوارێ مروڤایه‌تى دا هاته كرن.
دته‌وه‌ره‌كێ دن دا به‌حسێ چاوانیا ب رێڤه‌چونا پروسا پێدانا كارتا چه‌سپاندنا مافێن كه‌سایه‌تى یێن په‌نابه‌ران ژلایێ لیژنا ناڤبرى ل عیراقێ وكوردستانێ ب گشتى ول سنورێ پارێزگه‌ها دهوكێ ب تایبه‌تى هاته كرن.
سه‌روكێ لیژنا ناڤبرى سوپاسیا پارێزگه‌رێ دهوكێ وهه‌موو سازیێن میرى یێن په‌یوه‌ندیدار ل سنورێ پارێزگه‌هێ كر كو گه‌له‌ك دهه‌ڤكار وهاریكاربوینه دگه‌ل تیمێن لیژنا بلند یا ئاكنجیبونێ ل ده‌ڤه‌رێ وخواست ئه‌و هه‌ڤكارى و هاریكارى دگه‌ل تیمێن وان یا به‌رده‌وامبیت هه‌تا كار وئه‌ركێن لیژنێ ب دوماهى دهێن.
ژلایێ خوڤه پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وده‌ست خوشى ل تیمێن كارى كر وته‌كه‌زكر كو هه‌موو ئاسانكارى ژلایێ فه‌رمانگه‌هێن پارێزگه‌هێ دگه‌ل تیمێن لیژنا بلند یا ئاكنجیبونێ دێ هێنه كرن هه‌تاپروسا ناڤبرى ب دوماهى دهێت.
