ئامیرەکێ نوو یێ سونەرێ بۆ نەخوه‌شخانا زاخۆ هاتە تەرخانکرن
ئەڤرۆ نیوز ؍ عەلی حاجی :
د داخویانیەکێ دا رێڤەبەرێ نەخوه‌شخانا زاخۆ یاگشتی بۆ ئەڤرۆ نیوز دياركر ئامیرەکێ نوو یێ پێشکەڤتی بۆ نەخوشخانا زاخۆ یا گشتی هاتە دابین کرن و دێ ب شێوەکێ باش کەڤیتە خزمەتا نەخوه‌شان دا.
هەیهات خێرەللا زێدەتر گوت : ئەڤ ئامیرە ژجورێ فیلیپسە و دروستکرنا وەلاتێ هولەندایە و ئەڤرۆ دوشەمبێ ۲٤/٦/۲۰۱۹ ئەڤ ئامیرە گەهشتە نەخوه‌شخانا زاخۆ یا گشتی و د دەمەکێ نێزیک دا دێ کەڤیتە دخزمەتا وه‌لاتیان دا ؍ ئەڤ چەندە پشتی وێ یەکێ هات کو ئامیرێ ژبەری نوکە یێ سونەرێ یێ باش نەبوو وگەلەک جاران ژکار دکەڤت؍ ئەڤ ئامیرە ژلایێ رێڤەبەریا گشتی یا ساخلەمیا پارێزگەها دهوکێ ب رێیا حوكمه‌تا هەرێما کوردستانێ هاتە دابین کرن؍ئامیرێ کەڤن يێ نەخوه‌شخانێ دێ وەکو یەدەک کارکەت و دبیت ژی بۆ نەخوشخانا هاوار هاتنا زاخۆ بهێتە رەوانەکرن.
