جادەیێن شەش تاخێن ناحیا شێلادزێ دێ هێنە قێركرن و كونكرێتكرن
ئەڤرۆ نیوز , ئێقبال عومەر:
سەروكێ باژێرڤانیا شێلادزێ بۆ ئەڤرۆ نیوز راگه‌هاند, جادەیێن شەش تاخێن سنورێ ناحیا شێلادزێ دێ هێنە قێركرن و كونكرێتكرن ب كوژمێ ملیارەك و (379)ملیون دیناران ل سەر بودجەیا گەشەپێدانا هەرێمان و بودجەیا پارێزگەها دهوك بو قێركرن و كونكرێتكرنا جادە و كولانێن شەش تاخێن شێلادزێ و كومەلگەها سیریێ هاتینە بەرهەڤكرن.
سەربەست حسێن، سەروكێ باژێر ڤانیا شێلادزێ گوت: چەندین جادە و كولانێن شێلادزێ ئاخن خزمەتگوزاری بۆ نەهاتینە دابینكرن ژبەر قەیرانا دارایی یا ب سەر هەرێما كوردستانێ داهاتی, ل دەمێ بۆرى مە چەندین پرۆژە پێشكیشی رێڤەبەریا گشتی یا باژێرڤانیان ل پارێزگه‌ها دهوكێ كربوون كو كوژمەكێ پارەی بهێتە دابینكرن بۆ چێكرنا هنده‌ك جادە و كولانێن تاخێن شێلادزێ و كومەلگەها سیریێ”.
گۆت ژى” پروژە ب كوژمێ (659)ملیون دیناران ل سەر بودجەیا گەشەپێدانا هەرێمان بۆ قێركرن و كونكرێتكرنا جادە و كولانێن شەش تاخان هاتیە بەرهەرڤكرن, هەروەسا (820)ملیون دینار ل سەر بودجەیا پارێزگەها دهۆكێ بۆجادەیا تاخێ (دو برا ستی) هاتینە دابینكرن كو نها كار لسەر دروستكرنا وێ جادێ دهێتەكرن”.
خوياكر ژى” مە داخوازا دابینكرنا(659)ملیون دیناران كریە و د پلانا مه‌دایە ل گەل هاتنا پارێ گەشەپێدانا هەرێمان یا پارێزگەها دهۆكێ جادەیێن تاخێن شەهیدان و كورەژار و گولان ل سەنتەرێ ناحیا شێلادزێ و جادەیێن تاخێن خەبات و ئازادی ل كومەلگەها سیریێ بهێنە قێركرن و كونكرێتكرن,جادێن تاخێ شەهیدان و گولان و كورەژار ب كوژمێ (259)ملیون دینار دێ لێ هێنە مەزاختن, جادا تاخێ شەهیدان (400) مەتران دریژیە و جادا تاخێ كورەژار(300)مەتران درێژیە و جادا تاخێ گولان(440)مەتران درێژیا وێ یە, و هەروەسا جادێن تاخێن خەبات و ئازادی ل كومەلگەها سیریێ كو درێژیا وان(2822)مەترە و ب كوژمێ(400)ملیون دینار بۆ هاتینە دیاركرن كو دێ لێ هێنە مەزاختن, قێركرن و كونكرێتكرنا ڤان جادان ژكارێن گرنگ یێن مەنە و دێ بزاڤێ كەین كو ئەو جادە و كولانێن مای ژی ل دەمێن داهاتى دا وان ژی بێخینە د بەرنامێ چێكرنێ دا و و دێ بزاڤێ كەین كو د دەمەكێ نێزیكدا ڤی كاری ئەنجام بدەین و خزمەتا خەلكێ خوەیێ خوەشتڤی بكەین”.
ژلایێ خوەڤە ئەندازیار (نازی محەمەد) دیاركر: ئەز وەك نوونەرێ رێڤەبەریا گشتی یا باژێرڤانیێن پارێزگەها دهۆكێ سەرپەرشتیا چێكرنا جادا دو براستی ل ناحیا شێلادزێ دكەم و گوت” جادا دووبراستی ب درێژاهیا(700)مەترانە و (20)مەترا فرەهیا جادێ یە ب كوژمێ زێدەتر ژ (820)ملیون دینار بۆ هاتینە دابینكرن و نها كار ل سەر دهێتەكرن و بۆ ده‌مێ ساله‌كێ دێ ب دوماهى هێت و كەڤیتە د خزمەتا وەلاتیان دا”.