پارتى پيرۆزباهيا گۆڕان دكه‌ت
ئه‌ڤرۆ نيوز:
مه‌كته‌با سياسى يا پارتى ديموكراتى كوردستان ب هه‌لكه‌فتا 10 ساليا دامه‌زراندنا بزاڤا گۆڕان په‌يامه‌كا پيرۆزباهيێ به‌لاڤكر و ئه‌ڤه ژى ده‌قێ وێ يه:
به‌رێزان/ رێكخه‌رێ گشتى و ئه‌ندامێن جڤاتا گشتى و نشتيمانى ژ بزاڤا گۆڕان..
ب هه‌لكه‌فتا (10) ساليا دامه‌زراندنا بزاڤا گۆڕان يا تێكوشه‌ر، گه‌رمترين پيرۆزباهيا ل هه‌وه و ئه‌ندام و لايه‌نگران دكه‌ين، هيڤيدارين هه‌ر د به‌رده‌وام و سه‌ركه‌فتى بن د خه‌بات و تێكوشانێ دا بۆ سه‌رخستنا دوزا گه‌لێ مه و ب ده‌ست ڤه ئينانا مافێن ره‌وا.
رۆلێ بزاڤا هه‌وه و به‌رنامه و بزاڤ و كار و چالاكيێن هه‌وه بۆ ب هێزكرنا قه‌وارێ سياسى ل هه‌رێما كوردستانێ و داموده‌زگه‌هێن شه‌رعى و بنه‌مايێن ئازادى و ديموكراتى د پێناڤى پاشه‌رۆژه‌كا گه‌شتر دا، جهێ خۆشحاليێ يه و ئاماژا دلسۆزيا هه‌وه‌يه بۆ ب ده‌ست ڤه ئينانا مافێن هه‌ڤپشك.
ئه‌م د ده‌مه‌كى دا وێ بيره‌وه‌ريێ ساخ دكه‌ين، يا هه‌ڤده‌مه ل گه‌ل ره‌وشا گرنگ و هه‌ستيارا ئه‌ڤرۆ يا هه‌رێمێ و ده‌ڤه‌رێ، وه‌سان پێدڤى دكه‌ت زێده‌تر د رژد بين ل سه‌ر هه‌ڤخه‌مى و ئێكرێزى و ته‌باييێ بۆ پاراستنا ده‌ستكه‌فتان و ره‌وشا ئارام و سه‌قامگێريێ ل هه‌رێما كوردستانێ و ب ده‌ست ڤه ئينانا ئمانجێن درێژخايه‌ن يێن نشتيمانى و نه‌ته‌وى.
هيڤيدارين هه‌موو لايه‌ك بزاڤێ بكه‌ين بناغێ وێ هه‌ڤپه‌يمانيێ و هه‌ماهه‌نگيا ناڤبه‌را مه زێده‌تر و مۆكمتر و ب هێزتر بكه‌ين د پێناڤى به‌رژه‌وه‌نديا گشتى يا گه‌لێ مه دا و ته‌رخانكرنا كوسپ و رێگريان و چاره‌كرنا ئاريشه و كێشه‌يان و دابينكرنا ئاينده‌يه‌كێ ديارتر و گه‌شتر بۆ گه‌لێ مه.
جاره‌كا دى پيرۆزباهيا هه‌وه دكه‌ين و هه‌ر سه‌رفه‌راز و سه‌ركه‌فتى بن…
مەكتەبا سیاسی يا پارتی دیموكراتی كوردستان
25/7/2019
