پهكهكه گولێ نهكهنه قوربانی گولدانێ!
شهوكهت ئامێدی
پتریا مه دزانن، قووناغێن فلمێ 16 ئوكتۆبهرێ یێ بهردهوامه، ب كورتی دهستههلاتا ڕژێما ئیرانی یا پێكۆلان دكهت، تهلههكا دی ژ بۆ پارتێن ڕۆژههلاتێ دانن. ئهو ژی دهسپێكرنا چهند كۆمبوونێن ڤهشارتی ل ئۆسلۆیه، پایتهختێ نهروێچ. بۆچی دهمێ ڤهكرنا ڕێ یا سهربازی هاته دروستكرن ههر ژ سلۆپیا ههتا قهندیلی و پیرانشههر. دا ئهو هێز چو خهباتێن چهكداری نهكهن، نه دژی توركیا نه دژی هێزێن ئیرانی، ههكه نه: بۆچی بهری دهمهكی سهركرده و دهستههلاتا كوردێن ڕۆژههلات ل كویسنچهق دانه بهر مۆشهكێن زاڵمانه؟..
دێ ب بهردهوامی فڕۆكێن توركیا ههرێما كوردستانێ تۆپباران كهن و ب تایبهت نێزیكی گوند و باژاران. بۆچی؟ دا بهغدا ڕاستهخوه بهێته ههرێما كوردستانێ، ههكه تۆ هێزا چهكداری نهبهیه ناڤ چیا و گوندان دا پهكهكه دووربكهڤیت ژ جهێن سڤیل. ئهم دێ هێزێن سهربازی و حهشدا نهشهعبی ل بهغدا ئینینه د كوردستانێ دا و دێ سنۆرێن عیراقێ پارێزین. ل ڤێره دێ هێزین سهربازێن ههرێمێ كهڤنه د ناڤبهرا نال و بزماران دا. ههكه سهنگهران چێنهكهن و نهچنه پشت چیا دێ دهسههلاتا بهغدا هێت و مافێ وانه. چنكی هێشتا ههرێم پارچهكه ژ عیراقا ههرفتی. ههكه بێژیت ئهز دێ چم. دێ پهكهكه ب ڕێ یا میتێن د ناڤ دا ڕاستهخوه یان نه ڕاستهخوه، ئالۆزیان ژ بۆ پێشمهرگهی چێكهت. ههتا هێلا سلۆپیا ـ پیرانشههر ڤهدبیت. ل وی دهمی دێ ئیران و توركیا ب ههجهتا پهكهكێ هێنه د ناڤ ههرێمێ دا و یان پێشمهرگه یان هێزێن بهغدا دێ ب ناڤ گوند و ناڤ چیاڤه چن.
ئارمانج ژی نه پهكهكهنه! قووناغا دووێ یه ژ فلمێ 16 ئۆكتووبهرا ڕهش.
ب كوردی و كورتی ئهوان دڤێت دهسههلاتا ههرێمێ وهسا لاوازكهن، سوباهی حهتا دامهزراندنهكا فهرمانبهرهكی ژی، ب فهرمانا بهغدا بیت.
ئێك. خوه كری خوه دهرمانه. دو. دێ مینیته ل سهر بهرژهوهندیێن ئیران و توركیا ل عیراقێ. سێ. دابهشبوونا پارتا ئهردۆگانی و پهیوهندیێن وی ل گهل ئهمریكا و ئیسرائیلی. ئهڤه ههموو ڕێ خۆشكهر و ئاستهنگن د ڕێیا ڤێ پرۆسا بهردهواما نهشرین دا.
تێكدانا ئهڤان ههموو پلانێن نه سروشتی و دۆزهخی، دژی مه كوردان، ئێكبوونا مهیه و ب ئهزمانهكێ نهرم و دان و وهرگرتنا. ئینشالا وهنهبیت، ههكه نه مرۆڤێ گهشبین نینه!
پهكهكه.. ههكه هوون د خۆڕا نهبینن گوندهكێ باكۆر بێخنه د بن دهستههلاتا خوه دا، چاوان دێ شێن ههرێمێ ههمیێ كهنه قوربانی و ل ڤێره دهست پێ بكهن؟ ههوه ل شهرنهخێ، ل گهڤهرێ، ل دیاربهكر دهستپێكر. مه كوردان ژ نههامهتێ زهرتر چ قازانج كر؟
تێبینی: نه توركیا نه ئیران چو ڕهگهز فارس نه تورك، نائینیته شهرێ پهكهكه و ناڤ ههرێمێ. 90 ژ سهدێ یان سهربازێن كوردن یان قڕێژیێن (چهتهیێن) كوردن. ل ڤێره چو با چو باران دێ ژ ژیێ بهفرێ كێمكهن؟!
