وه‌زيرێ ئاڤه‌دانكرنێ: ب پێدڤى دزانين هێلا شه‌مه‌نده‌فه‌رێ ل هه‌رێمێ هه‌بيت
ئه‌ڤرۆ نيوز:
وه‌زيرێ ئاڤه‌دانكرن وئاكنجيكرنێ ل هه‌رێما كوردستانێ راگه‌هاند، د به‌رنامێ كارێن مه‌دايه هێلا شه‌مه‌نده‌فه‌رێ بۆ هه‌رێما كوردستانێ دروست بكه‌ين.
دانا عه‌بدولكه‌ريم، وه‌زيرێ ئاڤه‌دانكرن وئاكنجيكرنێ ل هه‌رێما كوردستانێ ئه‌ڤرۆ ئێكشه‌مبى 28/7/2019 د كۆنگره‌كێ رۆژنامه‌ڤانى دا ل هه‌ولێرێ پلانا چار سالێن داهاتى يێن وه‌زاره‌تا خوه ئاشكراكر وگۆت” دێ بزاڤێ كه‌ين هێلا ئاسنى بينينه د ناڤ هه‌رێما كوردستانێ دا، چونكى ئه‌و هێله نه‌كو تنێ بۆ ڤه‌گۆهاستنێ، به‌لكو بۆ هاتنوچوونێ ژى ب گرنگ وپێدڤى دزانين هه‌بيت”.
