مه‌سرور بارزانى پێشوازى ل قونسلێ نوو يێ ئيرانێ كر
ئه‌ڤرۆ نيوز:
ئه‌ڤرۆ رۆژا سێشه‌مبى 5-8-2019 مه‌سرور بارزانى سه‌رۆك وه‌زيرێن هه‌رێما كوردستانێ پێشوازى ل نه‌سرولا ره‌شنوودى قونسلێ نوو يێ كومارا ئيسلاميا ئيرانێ ل هه‌ولێرێ كر و د ديداره‌كێ دا په‌يوه‌نديێن جوراوجور ناڤبه‌را هه‌رێم و ئيرانێ دا هاته به‌حس كرن.
ديسان د ڤێ ديدارێ دا قونسلێ كومارا ئيسلاميا ئيرانێ پيروزباهى ل مه‌سرور بارزانى كر پشتى وه‌رگرتنا ئه‌ركێ سه‌رۆكاتيا وه‌زيرێن كوردستانێ و هيڤى خواست يێ سه‌ركه‌فتى بيت د كارێ خوه دا.
ژلايێ خوه ڤه مه‌سرور بارزانى بخێرهاتنا نه‌سرولا ره‌شنودى كر و هيڤى خواست يێ سه‌ركه‌فتى بيت د ئه‌ركێ وى يێ نوو دا، ديسان وان به‌حس ل پێشخستنا په‌يوه‌نديێن هه‌رێمێ ژلايێ ئاربورى ڤه گه‌نگه‌شه كر و خواست ژ هه‌موو لايه‌كي ڤه په‌يوه‌نديێن هه‌ردو لا به‌ر ب باشتر بچن.
