ئه‌ڤرۆ وه‌رزێ خولا پاييزێ يێ په‌رله‌مانى دێ ده‌ست پێ كه‌ت و چه‌ند پرۆژێن قانوونان هاتينه به‌رهه‌ڤكرن
ئه‌ڤرۆ نيوز، نيوار محه‌مه‌د سه‌ليم:
رۆژا 1ى ئيلۆنا 2019ێ خولا دانانا قانوونا يا وه‌رزێ پاييزێ يا سالا ئێكێ يا خولا پێنجێ يا په‌رله‌مانێ كوردستانێ يه.
پرۆژێ قانوونا چاكسازيێ د مووچه‌ى، ده‌رماله و خانه‌نشينيێ هيڤيا هه‌موو فراكسيۆنێن په‌رله‌مانى يه، ژبلى پرۆژێ قانوونا چاكسازيێ، بڕياره حوكمه‌ت 18 پرۆژێن قانوونێن دى كو د كه‌رتێن جودا دانه، بۆ په‌رله‌مانى ب هنێريت كو دبيته كارێ ده‌ستپێكى يێ لايه‌نێن پشكدار د ده‌سته‌لاتێ دا بۆ په‌سه‌ندكرنێ.
د خولا بۆرى يا په‌رله‌مانى دا، هه‌ردو قانوونێن سه‌رۆكاتيا هه‌رێما كوردستانێ و پارێزگه‌هان هاتينه راستڤه‌كرن و بڕيار ا رۆژا جينوسايدا كوردێن ئێزدى هاتيه په‌سه‌ندكرن.
هه‌روه‌سا 28 پرۆژێن قانوونا ل لژنا قانوونى يا په‌رله‌مانى نه بۆ په‌سه‌ندكرنێ، هه‌شت ژ وان دچنه د چارچۆڤێ قانوونا چاكسيازيێ و بۆ دووباره ئاماده‌كرنا وان هنارتينه حوكمه‌تێ ژ وان ژى پرۆژێ قانوونا سندوقا خانه‌نشينيێ، ميكانيزما ڤه‌گه‌راندنا پاشكه‌فتێ مووچه‌ى و راستڤه‌كرنا قانوونا وه‌به‌رهێنانێ.