فلمەكێ كوردی یێ بەربژارە بۆ وەرگرتنا دو خەلاتان
ئەڤرۆ نیوز ، زنار تۆڤی:
فلمێ ئەنیمەیشن یێ ب ناڤێ ” خەرەند”، یێ دەرهێنەرێ كورد سامی كاكە، كو هەتا نوكە پشتی پشكداری د چەندین فلمە فیستەڤلێن جیهانی دا كریە و چەندین خەلاتێن جۆدا وەرگرتینە.
دەرهێنەرێ كورد سامی كاكە، بۆ ئەڤرۆ نیوز دیار كر: نوكە ئەڤ فلمە یێ پشكدارە د پێنجەمین فلمە فیستەڤالا (مید) یا نێڤدەولەتی یا رۆما ل وەلاتێ ئیتالیا، هەروەسا ئەڤ فلمە یێ گەهشتیە دوماهی قۆناغا بەربژاركرنا باشترین فلمێ وێ فیستەڤالێ، كو د ناڤبەرا 1800 فلمێن جیهانی كو ژ 100 وەلاتان هاتینە، ژ وان ژی 50 فلم هاتینە وەرگرتن و خەرەند ژی ئێكە ژ وان فلمان و ئەز ب هیڤی مە كو بشێم خەلاتی وەربگرم.:
ناڤهاتی ئەو ژی گۆت: فلمێ ئەنیمەیشن ” خەرەند” ژ دەرهێنا وی یە، بەرهەمێ رێڤەبەریا سینەما هەولێرێ یە و كارێن هونەری ژی ژ ئالیێ كۆمپانیا ئیبرا یا فلمان ڤە هاتینە كرن، نوكە ئەڤ فلمە د پێشبركا سەرەكی یا نەهەمین فلمە فیستەڤالا نێڤدەولەتی ل وەلاتێ ئۆكرانیا دا گەهشتیە قۆناغا بەری دوماهیێ و ل 9 ئیلۆنێ دا دهێتە چاڤەرێكرن ئێك ژ خەلاتێن وان هەردو فیستەڤالێن نێڤدەولەتی وەربگریت.