پێزانینێن نوو ل دۆر رێكخستنا كارێ ته‌كسیان دهێنه به‌لاڤكرن
ئه‌ڤرۆ نیوز:
وه‌زاره‌تا ڤه‌گوهاستنێ و گه‌هاندنێ ل هه‌رێما كوردستانێ گوهۆرینێن دێ هێنه ئه‌نجامدان بۆ رێكخستنا كارێ تاكسیان ل هه‌رێما كوردستانێ راگه‌هاندن.
ئومێد محه‌مه‌د سالح، په‌یڤدارێ وه‌زاره‌تا ڤه‌گوهاستنێ و گه‌هاندنێ راگه‌هاند” بۆ رێكخستنا كارێ تاكسیان، ژ بلى لۆگۆیه‌كى كو دێ ل ده‌رگه‌هێ شۆفێرى هێته دان، له‌زگه‌ك ژى دێ ل جه‌مه‌لۆخێ تاكسیان هێته دان، كو هه‌ر پارێزگه‌هه‌كێ دێ ره‌نگێ تایبه‌ت ب خوه‌ڤه هه‌بیت، كو له‌زگا تاكسیێن هه‌ولێرێ دێ ره‌نگێ سوور بیت و تاكسیێن سلێمانیێ ره‌نگێ شین بیت و تاكسیێن دهۆكێ دێ ره‌نگێ ره‌ش بیت و ئه‌و تاكسیێن د ناڤبه‌را باژێران دا كار دكه‌ن ره‌نگێ قه‌هواى بیت”.
ناڤبرى زێده‌تر بۆ كوردستان 24 دیاركر” ل پشت بالیفكا جهێ روونشتنا شۆفێرێن هه‌موو تاكسیان، دێ هه‌موو پێزانین ل دۆر شۆفێرى هێنه به‌رچاڤكرن”.
گۆت ژى” پێدڤیه هه‌موو شۆفێرێن تاكسیان ل ئاسایش و پۆلیسێن تاخى فۆرمه‌كێ داگرن كو تێدا پێزانینێن تایبه‌ت ب شۆفێرى ڤه ل جاما ترومبێلێ و پشت كوشنان بهێته دان بۆ پاراستن و سلامه‌تیا ژیانا وه‌لاتیان”.