راسپارده‌كا سه‌رۆكێ حوكمه‌تا هه‌رێمێ دهێته بجهئينان
ئه‌ڤرۆ نيوز:
وه‌زيرێ ناڤخوه ل هه‌رێما كوردستانێ راگه‌هاند، دێ هه‌موو بزاڤان كه‌ين كو ب باشترين شێوه پێشوازيێ ل په‌نابه‌ران بكه‌ين، ئه‌وژى ل سه‌ر راسپارده‌يا سه‌رۆكێ حوكمه‌تا هه‌رێمێ.
رێبه‌ر ئه‌حمه‌د، وه‌زيرێ ناڤخوه ل هه‌رێما كوردستانێ ئه‌ڤرۆ ئێكشه‌مبى 20/10/2019 د كۆنگره‌كێ رۆژنامه‌ڤانى دا گۆت”هه‌رێما كوردستانێ وه‌كو هه‌موو جاران دێ په‌ناگه‌هه‌كا ئارام بيت بۆ په‌نابه‌ران و سه‌رۆكێ حوكمه‌تا هه‌رێما كوردستانێ ژى ئه‌م راسپاردينه كو ب باشترين شێوه خزمه‌تا په‌نابه‌ران بهێته كرن”.
گۆت ژى” نوكه هنده‌ك كه‌مپان كه‌م و كورى يێن لێ هه‌ين، ب تايبه‌ت ئه‌وێن هاتينه چۆلكرن، له‌وما دێ بزاڤێ كه‌ين ب زووترين ده‌م به‌رهه‌ڤ بكه‌ين بۆ په‌نابه‌رێن رۆژئاڤايێ كوردستانێ”.
نوونه‌رێ رێكخراوا نه‌ته‌وێن ئێكگرتى ژى د وى كۆنگرێ رۆژنامه‌ڤانى دا راگه‌هاند” مه پێزانين يێن كۆمكرين ل سه‌ر هژمارا په‌نابه‌ران و مه به‌رپرسێن خوه يێن ئاگه‌هداركرين ل سه‌ر وێ چه‌ندێ كا چاوان باشترين خزمه‌تگوزاريان پێشكه‌شى په‌نابه‌ران بكه‌ين”.
دياركر ژى” نوكه په‌نابه‌ر ل كه‌مپا به‌رده‌ره‌ش دێ هێنه ئاكنجيكرن وخزمه‌تگوزارى بۆ هێنه پێشكێشكرن و پێشبينيا هاتنا گه‌ره‌كا دى يا په‌نابه‌ران دهێته كرن، له‌وما چه‌ند كه‌مپه‌ك دێ هێنه دروستكرن تاكو ژيانا وان يا پاراستى بيت”.
