سه‌رۆكێ حوكمه‌تا هه‌رێمێ پارێ چار پرۆژێن گرنگ ل سلێمانیێ دابین دكه‌ت
ئه‌ڤرۆ نیوز:
ئه‌ندامه‌كێ جڤاتا پارێزگه‌ها سلێمانیێ راگه‌هاند، ژ سه‌رجه‌مێ 7 پرۆژان كو سه‌رۆكێ حوكمه‌تا هه‌رێما كوردستانێ مه‌سرور بارزانى بریارا مه‌زاختنا پارێ وان ده‌ركریه، چار پرۆژه دكه‌ڤنه سنورێ پارێزگه‌ها سلێمانیێ.
زیاد كاكه رزا، سه‌رۆكێ فراكسیۆنا پارتى دیموكراتى كوردستان ل جڤاتا پارێزگه‌ها سلێمانیێ د داخۆیانیه‌كا رۆژنامه‌ڤانى دا گۆت” جڤاتا وه‌زیرێن هه‌رێما كوردستانێ بریارا بجهئینانا 7 پرۆژێن ستراتیژى یێن رێك و پران دایه”.
ل رۆژا 17/10/2019 مه‌سرور بارزانى، سه‌رۆكێ حوكمه‌تا هه‌رێما كوردستانێ، راگه‌هاند، دێ بریارا مه‌زاختنا 500 ملیار دیناران (420 ملیۆن دۆلار) بۆ چه‌ندین پرۆژێن گرنك وه‌كو رێك و پر، سایلۆ، هێلێن كاره‌بێ و تۆرێن به‌لاڤكرنا ئاڤێ هێته دان.
گۆت ژى” خه‌لكى ئومێد یا ب وان پرۆژان هه‌ى كو هه‌موو د به‌رژه‌وه‌ندیا وه‌لاتیان دانه”.
