هاتنوچوونا هه‌رێمێ روونكرنه‌كێ ل سه‌ر ترۆمبێلێن جام ره‌ش دده‌ت
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا هاتنوچوونا هه‌رێما كوردستانێ راگه‌هاند كو چو بڕياره‌ك ده‌رباره‌ى مۆله‌ت دان ب ترۆمبێلێن جام ره‌ش ده‌رنه‌كريه و ب تنێ كۆمه‌كا پێشنيازان هاتينه كرن.
د دو رۆژێن بۆرى دا، كۆمه‌كا بڕياران ل تۆڕێن جڤاكى هاتينه به‌لاڤكرن كو كۆژمه‌كێ پاره‌ى دێ ژ شوفێران وه‌رگرتن به‌رامبه‌ر ره‌شكرنا جامێن ترۆمبێلان.
ليوا عه‌بدولقادر عه‌زيز، رێڤه‌به‌رێ گشتى يێ هاتنوچوونا هه‌رێما كوردستانێ راگه‌هاند كو وه‌كو رێڤه‌به‌ريا گشتى يا هاتنوچوونێ چو بڕياره‌ك ده‌رباره‌ى مۆله‌تا ترۆمبێلێن جام ره‌ش ده‌رنه‌كريه، كۆمه‌كا پێشنيازێن جودا ل سه‌ر ئاستێ وه‌زاره‌تێ بۆ وێ پرسێ هاتينه كرن و ئه‌و ژى يێ ڤه‌كۆلينێ تێدا دكه‌ن.
رێڤه‌به‌رێ گشتى يێ هاتنوچوونا هه‌رێما كوردستانێ ئاماژه ب وێ چه‌ندێ ژى كر كو پرسا ترۆمبێلێن جام ره‌ش پێدڤى ب ئێكلاكرنێ هه‌يه، ژ به‌ر هندێ ژى كۆمه‌كا پێشنيازان بۆ وێ مه‌ره‌مێ هاتينه كرن.
