جڤاتا نوونه‌ران قانوونا كێمكرنا ئمتيازاتێن دارايى يێن به‌رپرسان په‌سه‌ند كر
ئه‌ڤرۆ نيوز، نيوار محه‌مه‌د سه‌ليم:
د روونشتنا شڤدێى يا جڤاتا نوونه‌رێن عيراقێ دا، خواندنا ئێكێ بۆ چه‌ند قانوونا هاته كرن و ده‌نگ ژى ل سه‌ر قانوونا كێمكرنا ئمتيازاتێن به‌رپرسێن پله بلند و كێمكرنا ژمارا كورسيێن جڤاتا نوونه‌ران كر.
ئه‌حمه‌د سه‌فار، ئه‌ندامێ لژنا دارايى ل په‌رله‌مانێ عيراقێ راگه‌هاند كو شڤێدى جڤاتا نوونه‌رێن عيراقێ كۆمبوو و ده‌نگ ل سه‌ر قانوونا كێمكرنا ئمتيازاتێن به‌رپرسێن پله بلند و كێمكرنا ژمارا كورسيێن په‌رله‌مانێ عيراقێ دا.
ئه‌حمه‌د سه‌فا گۆتژى: “كێمكرنا ئمتيازاتێن پله بلند هه‌رسێ سه‌رۆكاتيێن عيراقێ ڤه‌دگريت و ئه‌ڤه ژى د پێناڤى كێمكرنا خه‌رجيێن حوكمه‌تا عيراقێ و دادپه‌روه‌ريا جڤاكى دايه”.
