دوشه‌مبیا بهێت دێ ئاڤاهیێ پاسه‌پورتان هێتە ڤەکرن
ئه‌ڤرۆ نیوز، عه‌لی حاجی:
رێڤه‌به‌رێ نڤێسینگه‌ها پاسه‌پورتان ل زاخۆ بۆ ئه‌ڤرۆ نیوز دیار كر ئه‌ڤرۆ ل روژا چار شه‌مبێ دێ ئاڤاهیێ نڤێسینگه‌ها پاسه‌پورتێن زاخۆ ب دوماهی هێت و بریاره دحه‌فتیا بهێت دا ب شێوه‌یه‌كێ فه‌رمی بهێته ڤه‌كرن.
زێده‌تر موقه‌دم نێچیرڤان ئه‌حمه‌د گوت: (كاركرن ل سه‌ر ئاڤاهیێ نڤیسینگه‌ها پاسه‌پورتێن زاخۆ به‌رده‌وامه ل دووڤ وی كارێ هاتیه كرن بریاره ئه‌ڤرۆ كار ب دوماهی بهێت دئاڤاهی دا و ل دوو شه‌مبیا بهیێت 9/12/2019 ب شێوه‌یه‌كێ فه‌رمی نڤیسینگه‌ها پاسه‌پورتان بهێته ڤه‌كرن، ل دووڤ بریارا ده‌ست پێكی بتنێ خه‌لكێ زاخۆ و ده‌وروبه‌ران دشێن پاسه‌پورتێن خوه نوو بكه‌ن و ده‌ربێخن و ئاواره‌یێن ل زاخۆ ئاكنجی بوین دێ هه‌ر ل رێڤه‌به‌ریا پاسه‌پورتان ل دهوكێ مامه‌له‌یێن وان ب رێڤه چن).
و گوت ژی: (هه‌می به‌رهه‌ڤی دهێنه كرن داكو ل دوشه‌مبیا بهێت بهێته ڤه‌كرن و بریار بوو ل دوو شه‌مبیا بوری هاتبا ڤه‌كرن به‌لێ ژبه‌ر كو هنده‌ك كارێن ته‌كنیكی ما بوون ژبه‌ر وێ چه‌ندێ ڤه‌كرنا وێ هاته پاش خستن بۆ بۆ دوشه‌مبیا بهێت،میلاكێ نڤێسینگه‌هێ هه‌می دئاماده‌نه كو پشتی خوله‌ك بۆ ماوه‌یێ سێ روژان وه‌رگرتین).
