مۆزیكژه‌نی دله‌كێ به‌رفره‌هـ هه‌یه
ئه‌ڤرۆ، هه‌رهین محه‌مه‌د:
لێده‌رێ كه‌مانێ هۆگر محه‌مه‌د ئه‌حمه‌د، د دیداره‌كێ دا بۆ ئه‌ڤرۆ گۆت: ژلایی َمه‌عنه‌وی ڤه من گه‌له‌ك مفا ژ مۆزیكێ دیتیه، به‌لێ ژلایێ مادی ڤه گه‌له‌ك كێمتر بوویه، چونكو مۆزیكژه‌نی دله‌كێ به‌رفره‌ه هه‌یه و هه‌ركه‌سه‌كێ ده‌ست ب هاڤێته ئامیره‌كێ مۆزیكێ دڤێت قوربانیێ بده‌ت و ل سالا 2012 ئه‌ندامێ ئۆركێسترا گه‌نجێن عیراقێ بووم و من پشكداری د چه‌ندین كۆنسێرتێن ئۆركێسترا گه‌نجێن عیراقێ ل وه‌لاتێ بریتانیا.
ناڤهاتی گۆت: هه‌موو كه‌س دشێن بنه مۆزیكژه‌ن، به‌لێ هه‌كه گێولێ وی ل سه‌ر مۆزیكێ هه‌بیت، هه‌روه‌سا ژیێ وی ژ سیه سالیێ نه‌بۆریت، چونكو دبیت زوو مۆزیكێ نه‌گریت و هه‌كه ژیێ وی یان وێ یێ بچووك بیت دزووترین ده‌م دا دێ فێری ژه‌نینا وی ئامیرێ مۆزیكێ بیت یێ وی حه‌ز ل سه‌ر هه‌ی.
ل دووماهیێ گۆت: گه‌له‌ك حه‌زژ ده‌نگێ هونه‌رمه‌ند هه‌ڤال ئیبراهیم و بلند ئیبراهیم دكه‌م، به‌لێ بۆ ستایلێ پوپ دێ گه‌له‌ك یی َخۆشحالبم ل گه‌ل هێلی لوڤێ مۆزیكێ ب ژه‌نم و گه‌له‌ك حه‌زدكه‌م كاره‌كی ل گه‌ل وان سترانبێژان بكه‌م یێن ستایلێ وان پۆپ.
