ب دەهان کۆلبەرێن کورد د ناڤ بەفرێ دا ئاسێ بووینە
ئەڤرۆ نیوز، هۆشەنگ تاجر:
خالد محەمەد زادە رۆژنامەڤانێ رۆژهەلاتێ کوردستانێ بۆ ئەڤرۆ نیوز دیار کر کو شەڤا بۆری ٥٠ کۆلبەرێن کورد ل دەڤەرێن سنوری یێن د ناڤبەرا پارێزگەها سنە و باشورێ کوردستانێ دا ئاسێ بووینە و کۆلبەرەکێ ژی تەلەفونا خێزانا خوە کریە و دیار کریە کو وان رێیا خوە بەرزە کریە و د ناڤ بەفرێ دا ئاسێ بووینە و ژیانا وان د مەترسیێ دایە.
ناڤهاتی راگەهاند هەتا نها ژی چارەنڤیسێ وان ٥٠ کەسێن کورد دیار نینە و رەوشا جهێ ئەو لێ ژی گەلەک خرابە و رێژەکا زۆر بەفر لێ هاتیە.