سه‌رشوویا زاڤای دێ به‌لاڤ كه‌ت
ئه‌ڤرۆ، هه‌رهین محه‌مه‌د:
سترانبیژێ گه‌نج جه‌مال وه‌رمێلی د دیداره‌كێ دا دیاركر كو نوكه ئه‌و مژوولی كلیپه‌كێ یه ب ناڤێ (سه‌رشوویا زاڤای) كو ژ په‌یڤێن و مه‌لا عه‌لی شرتی نه ئاوازێن فلكلۆر و ل ستودیۆیا سه‌عه‌د زه‌یه هاتیه تۆماركرن و ناڤه‌رۆكا كلیپێ ل سه‌ر سه‌رشوویا زاڤایه و پێك دهێت ژ چه‌ند سترانێن ل سه‌ر شوویا زاڤای و ژڤانه ل ده‌مه‌كێ نێزیك بهێته كلیپ كرن.
ناڤهاتی گۆت: “ئه‌ڤ كلیپه یا جودایه ژ كلیپا من یا دی و كۆمپانیا كارێن هونه‌ری ل دهۆكێ دێ ب كارێ كلیپێ رابن، چونكی كلیپا من یا دی پیچه‌ك كه‌ڤن بوویه و ئه‌ڤ كلیپه ژی وه‌كو دیاریه بۆ هه‌موو بیك و زاڤایان، هه‌روه‌سا د به‌رهه‌مێ من دا من تشته‌ك ل سه‌ر كارێ بویكێ ژی هه‌یه و د به‌رنامێ من دایه وێ ژی كیلپ بكه‌م”.
د لایه‌كێ دی دا وه‌رمێلی گۆت: “من ستران گۆتینه و ئاواز داناینه دیسان من ل گه‌ل روكه‌نێ ژی گۆتیه و دۆبلاژ ژی من كریه و د هه‌ر كاره‌كی دا پشكه‌ك ژ ناما من گه‌هاندیه هیڤیا من ئه‌وه دژیانێ دا ب دروستی ناما خوه ب گه‌هینم و خه‌لكی ژخوه رازی بكه‌م، به‌لێ ب مخابنی ڤه هونه‌رێ ستران گۆتنێ نابیته داهات بۆ سترانبێژی و سترانا دبێژم وه‌كو حه‌زه‌كێ یه ل ده‌ف من و من ڤیایه ب رێیا پێشمه‌رگاتیێ و ستران گۆتنێ و دوبلاژێ خزمه‌تا ملله‌ت و خه‌لكێ خوه بكه‌م”