مافێ هونه‌رمه‌ندێن رۆژئاڤا هاتیه خوارن
ئه‌ڤرۆ، هه‌رهین محه‌مه‌د:
سترانبێژێ رۆژئاڤایێ كوردستانێ شه‌ڤدار كوبانی دیداره‌كێ دا گۆت: “من گه‌له‌ك ستران ئاماده‌كرینه و من تۆمارنه‌كرینه، به‌لێ نوكه هه‌موو بووینه پاره و ئه‌م په‌نابه‌رین و د شیانێن مه دانینه ل ستودیۆێن مودرێن تۆماربكه‌ین و چو هاریكاری ژی بۆ مه ناهێته‌كرن، له‌وڕا هه‌موو سترانێن من ئاماده‌كرین نه‌هاتینه تۆماركرن”.
هه‌روه‌سا شه‌ڤداری گۆت: “مافێ هونه‌رمه‌ندێن رۆژئاڤا هاتیه خارن و هه‌ر جهه‌كێ بچیێ بهایێ هونه‌رمه‌ندێن باكوور و رۆژهه‌لات پتره ژ هونه‌رمه‌ندێن رۆژئاڤا و نزانم ژی ئه‌گه‌ر چیه و چو جوداهی دناڤبه‌را مۆزیكا ده‌ڤه‌را بادینان و مۆزیكا باكوور دا نینه، به‌لی َجوداهی یا د مۆزیكا باكوور ل گه‌ل مۆزیكا ده‌ڤه‌رێن سوران دا هه‌یه و گه‌له‌ك حه‌زدكه‌م ژی جاره‌كێ سترانه‌كێ ل گه‌ل هونه‌رمه‌ند حه‌سه‌ن شه‌ریڤ چێكه‌م، چونكو ده‌نگێ مه دێ ل گه‌لك گۆنجیت د ئێك ستران دا”.
ل دووماهیێ گۆت: “ره‌خنێ ل هونه‌ر و چاندا دهۆكی َدگرم به‌ری چه‌نده‌كێ هاتمه دهۆكێ و ل گه‌له‌ك تۆمارگه‌ها ل سترانێن نوی یێن هونه‌رمه‌ند عه‌بدوللا زێرین گه‌ریام چو تۆمارگه‌هان نه‌بوون بتنێ وان یێن كه‌ڤن هه‌بوون و دخازم سترانێن عه‌بدوللا زێرین بهێنه به‌لاڤ كرن و دیاركرن، چونكو ده‌نگه‌كێ خوه‌ش هه‌بوو و باوه‌رناكه‌م دووباره بیته ڤه”.
