یا به‌رهه‌ڤیان بۆ ڤه‌كرنا پێشانگه‌هه‌كێ دكه‌ت
ئه‌ڤرۆ نیوز، ره‌مه‌زان هه‌رنی:
هونه‌رمه‌ندا شێوه‌كار ئه‌ڤین سابر د دیداره‌كێ دا گۆت: ” من پرۆژه‌ك به‌رهه‌ڤكریه بۆ وێ چه‌ندێ پێشانگه‌هه‌كا تایبه‌ت ڤه‌كه‌م كو كه‌ڤالێن وێ جواهی هه‌یه ل گه‌ل وان كه‌ڤالێن من ل ده‌مێ بوری دروستكرین”.
ناڤهاتیێ خویا كر كو ل سالا 2015 بوویه قوتابی ل په‌یمانگه‌ها هونه‌رێن جوان و وێ زێده‌تر گرنگی ب كارێ خوه دا ل گه‌ل خواندنا شێوه‌كاری شیایه سرۆشت و جوانیێ نیشا ده‌وروبه‌رێن خوه بده‌ت و گۆت: “په‌یمانگه‌ه ل وی ده‌می هونه‌رمه‌ندان دروست دكه‌ت كو وی كه‌سی بڤێت ببیته هونه‌رمه‌ند، به‌لێ هه‌كه هونه‌رمه‌ندان ژی دروست نه‌كه‌ت بینه‌رێ كارێن هونه‌ری دروست دكه‌ت ل كوردستانێ، من دڤێت ب رێیا كارێن خوه یێن شێوه‌كاریی جاره‌كا دی سه‌ر ژ نوو مرۆڤایه‌تیێ فێری ڤیان و جوانیێ بكه‌م ل سه‌ر دیوارێن مالان و ڤه‌كرنا پێشانگه‌هان” .
ئه‌ڤینێ گۆت: “ئه‌و ده‌لیڤه دروست نه‌بوویه پێَشانگه‌هێن تایبه‌ت ڤه‌كه‌م ل داهاتی دا من به‌رنامه هه‌یه بۆ ڤه‌كرنا پێشانگه‌هێن شێوه‌كاری ل كوردستانێ، چونكی بینه‌رێ پێشانگه‌هان هه‌تا راده‌یه‌كێ گه‌له‌ك باشه، به‌لێ مخابن رێژا ئافره‌تێن شێوه‌كار د ناڤ بوارێ هونه‌رێ شێوه‌كاریێ گه‌له‌ك یا كێمه”.