ئێکەم حالەتێ ڤایرۆسێ کۆرۆنا ل لبنانێ هاتە تۆمار کرن
ئەڤرۆ نیوز:
وەزیرێ ساخلەمیا لبنانێ ئێكەم حالەتێ توشبوونێ ب ڤایرۆسێ كۆرۆنایێ ل وی ولاتی راگەهاند.
حەسەن حەمد وەزیرێ ساخلەمیا لبنانێ د کۆنفرانسەکێ دا راگەهاند، لژنا نیشتیمانی بۆ نەهێلانا كۆرۆنایێ ئێكەم حالەتێ توشبوونێ ب وی ڤایرۆسی ل لبنانێ تۆمار كریە.
وەزیرێ ساخلەمیا لبنانێ ئاماژە كریە ژی، ئەو حالەت ژنەكا تەمەن ٤٥ سالە و سەردانا باژێرێ قوم کریە و د نوکە دا بۆ نەخۆشخانا رەفیق حەریری ل بەیروت هاتیە شاندن و دبن چاڤدێریا نۆشداری دایە.
ئاماژە کریە ژی ، ل لبنانێ دو حالەتێن گومانكری هاتینە تۆماركرن و ب مەرەما چاڤدێریكرنێ بۆ هەمان نەخۆشخانێ هاتینە شاندن.