پنتاگۆن دێ چار مۆشەکێن پاتریۆت ژ سعودیێ ڤەکێشیت
ئەڤرۆ نیوز:
میدیایێن ئەمریکا بەلاڤکرینە ، کو د نوکە دا پنتاگۆن مژوولی ڤەکێشانا چار مۆشەکێن پاتریۆتە ل سعودیێ، ژ ئالیەکێ ڤە ئەڤ چەندە بۆ نەرازیبوونا ئەمریکا یە ژ سیاسەتا نەفتا سعودیێ و ژ ئالیەکێ دی ڤە، بۆ کێمبوونا ئالۆزیێن ئەمریکا و ئیرانێ ڤەدگەریت.
ئەڤرۆ ئەینیێ میدیایێن ئەمریکا بەلاڤکرینە، بەرپرسێن بلند یێن وی ولاتی ئەو نووچە پشت راستکریە و راگەھاندیە: کو دێ دو فرۆکێن شەری و ۳۰۰ لەشکەران ژی ل گەل وان چار مۆشەکێن پاتریۆت ڤەکێشن، نوکە
پرۆسا ڤەکشیانێ دەستپێکریە و ئێدی ئەمریکا ئیرانێ ب گەفەکا راستەوخۆ بۆ سەر ھێزێن خوە نابینیت.
