زێده‌تری 370 هزار كه‌سان ب كورونایی ل جیهانێ مرینه
ئه‌ڤرۆ نیوز:
لگۆری دوماهی ئامار، توشبوویێن ڤایرۆسێ كورونایێ ل جیهانێ گه‌هشته شه‌ش ملیۆن و 160 هزار و 805 توشبوو.
لگۆری ئامارێن جیهانی تاكو ئه‌ڤرۆ سپێدێ ژماره‌یا توشبوویێن كورونایێ ل جیهانێ گه‌هشته شه‌ش ملیۆن و 160 هزار و 805 توشبوویان، ژ وێ ژماره‌یێ ژی سێ سه‌د و حه‌فتێ و ئێك هزار و هه‌شت كه‌س ب ڤایرۆسێ كوروناێ مرینه.
ل سه‌ر ئاستێ وه‌لاتێن جیهانێ، ئه‌مریكا زۆرترین رێژه‌یا توشبوونێ ب ڤایرۆسی تێدا هاتیه توماركرن و گه‌هشتیه ئێك ملیۆن و 816 هزار و 820 كه‌سان، سه‌د و پێنج هزار و پێنج سه‌د و پێنجی و حه‌فت كه‌س ژی ب ڤایرۆسێ كورونایی مرینه.
ڤایرۆسێ كورونایێ نه‌خوشیه‌كا كوژه‌كه و ل هه‌یڤا 12 یا سالا بوری ل باژێرێ ئوهان یا چینێ سه‌رهلدا و نوكه ل 200 وه‌لاتێن جیهانێ به‌لاڤ بوویه.
