به‌شیر حه‌داد: فوئاد حوسێن كاندیدی وه‌زاره‌تی ده‌ره‌وه‌یه
ئه‌ڤرۆ نیۆز، عه‌زیز هه‌ورامی:
ئه‌مڕۆ نوسینگه‌ی سه‌رۆكی په‌رله‌مانی عێراق ڕای گه‌یاند ناوی كاندیده‌كانی ئه‌و وه‌زاره‌تانه‌ی پڕنه‌كرابوونه‌وه گێشتنه په‌رله‌مان، به‌شیر حه‌داد جێگری سه‌رۆكی په‌رله‌مان ده‌ڵێ ڕۆژی شه‌ممه په‌رله‌مان كۆده‌بێته‌وه كورد كاندیدی وه‌زاره‌تی ده‌ره‌وه و دادی دیاری كردووه.
دكتۆر به‌شیر حه‌داد جێگری سه‌رۆكی په‌رله‌مانی عێراق، تایبه‌ت به ئه‌ڤرۆ نیۆز ڕای گه‌یاند:” ناوی ته‌واوی ئه‌و كاندیدانه‌ی بۆ ئه‌و وه‌زاره‌تانه‌ی له‌كاتی پێكهێنانی حكوومه‌تی عێراق به‌رده‌ست نه‌بوون یان ده‌نگیان نه‌هێنا گێشتووه‌ته په‌رله‌مان و ڕۆژی شه‌ممه كۆبووه‌نه‌وه‌ی په‌رله‌مان ده‌كرێت.
حه‌داد ئاماژه‌ی به‌وه‌شكرد:” كورد ناوی هه‌ردوو وه‌زاره‌تی ده‌ره‌وه و دادی ڕه‌وانه‌كردووه، دكتۆر فوئاد حوسێن بۆ وه‌زاره‌تی ده‌ره‌وه له پارتی و سالار عه‌بدولستار كاندیدی یه‌كێتییه بۆ وه‌زاره‌تی داد.
ناوبراو گوایشی:” ئێستا كۆبوونه‌وه‌یه‌ك هه‌یه بۆ دیاری كردنی كارنامه‌ی په‌رله‌مانی عێراق بۆ كۆبوونه‌وه‌ی ڕۆژی شه‌ممه، تایبه‌ت به ده‌نگدان به وه‌زیره‌كان و چه‌ند بابه‌تێكی تر.
